'n Plek om jou siel te herlaai. Wat 'n belewenis was dit nie gewees nie. Ons het heerlik gerus, afgeskakel, en net die natuur, voëls en rivier geniet! Ons het wel sommer die eerste aand 'n hele paar besoekers gehad, van beeste wat wei na spinnekoppe, slange en selfs 'n voëltjie wat nie genoeg van sy eie refleksie in ons karspieëltjie kon kry nie. Gustav was vriendelik en baie behulpsaam! Volgende keer maak ons seker ons bring ons hondediere saam wat vir seker sal help om die slange weg te jaag en sal seker maak ons bring repellent saam vir die spinnekoppe!

Herlaai jou batterye sonder elektronika. Basiese huisie sonder enige luukshede. As jy hou van gerief is hierdie dalk nie jou ideale plekkie nie. Daar is wel alles wat mens nodig het om gemaklik te bly. Die donkie het baie goed gewerk. Neem so tussen 30min tot 1h vir lekker kookwarm water. Die grondpad na die huisie is nogal sleg. Geen selfoon opvangs, maar dit was deel van hoekom ons die plekkie gekies het. Ons het besoek gekry van die groen bosslang, maar kon dit terugskuif bos toe. Dit neem sowat 40min om by die groter besienswaardighede van die drakensberge uit te kom.

Baie rustig in die natuur. Om te gaan rus en net afhanklik te wees van gas, battery ligte en 'n donkie vir warm water. Geen niks naby om vinnig te gaan koop of goed wat n mens se aandag kan onderbreek. Die rivier is so kalmerend en die view van die rivier en al die voels is pragtig. As 'n mens in die natuur wil wees sonder enige tegnologie of luxuries is die plek regtig rustig vir 'n mens se siel. Ja daar is spinnekoppe en snaakse goggas, maar dit is deel van die natuur.

Goeie ligging Het die plaas baie geniet. Ek en my dogtertjie het lekker in die rivier geswem. Honde was gedaan na die lekker naweek op die plaas.