Tamboershoek

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Tamboershoekplaas, Langs die N1, Fraserburg, 6970, Noord-Kaap
Vanaf R1 800 per nag, vir 4 mense

Beskrywing

Tamboershoek is 'n skaap- en wildplaas wat verblyf bied in 'n chalet met slaapplek vir 'n gesin of groep van 4.

Die chalet het 'n stoep met panoramiese uitsigte, 2 en suite-slaapkamers wat elk beskik oor 2 enkelbeddens wat ook opgemaak kan word as 'n koninggrootte-bed. Die oopplan-leefarea bevat die kombuis wat toegerus is met 'n gas-yskas-vrieskas, gasstoof en oond, en eetarea. Die leefarea het ook 'n kaggel vir daardie koue Karoo-aande. 'n Buitebraai is beskikbaar en daar is 'n lekker plonspoel waarin gaste kan afkoel.

Let asseblief daarop dat die chalet geen elektrisiteit het nie. Ons voorsien olielampies vir lig en die gas-geiser voorsien warm water. Die eenheid het ook nie selfoon- of TV-ontvangs nie.

Die plaas word bereik met 'n grondpad en 'n voertuig met 'n hoë grondvryhoogte word aanbeveel alhoewel 'n 4x4 nie nodig is nie. Daar is meer as een roete beskikbaar, doen asseblief navraag rakende watter roete jou die beste sal pas. Die roetes na die plaas is ook gewild onder semi-4x4-langafstandmotorfietsentoesiaste.

Gaste is welkom om die plaas te voet of per fiets te verken, en voëlkenners is welkom. Wild op die plaas sluit onder andere blesbokke, springbokke, blouwildebeeste, gemsbokke, koedoes en die skaars berg-patrys in.

Kry ’n Kwotasie