Rusrig. Baie rustig. Die slaapkamer is bietjie klein. Geen plek om jou tas neer te sit nie.

Ontspannend en rustig. Baie lekker plekkie, rustig in die natuur, presies waarna ons gesoek het, sal ons beslis weer sien vir 'n opvolgkuier. Baie vriendelike ontvangs met aankoms en behulpsaamheid vanaf gasheer.

Wonderlike naweek. Baie mooi natuur en baie diere gesien. Rustig en veilig. Chalets is baie netjies en gerieflik. Kan die lodge beslis aanbeveel vir enige natuurliefhebbers jonk en oud. Ons was by die lodge met seuns 17 en 15 & wat dit baie geniet het om uit die stad te kom. Lieflike swembad area wat almal kan geniet. Chalets is in die bosveld, maklik bereikbaar met plaveide padjies teen 'n hoër koppie met 'n pragtige uitsig en bokke wat oral verby beweeg. Die chalets is baie skoon en netjies toegerus met als wat nodig is. Wonderlike gasvryheid. Kan beslis die lodge aanbeveel.

Rustige verblyf op 'n wildsplaas. Ons het heel rustig gebly. Ongelukkig het dit die aand redelik gereën en was die krag grootliks af (ek besef dat dit nie in beheer van die lodge is nie). Ons kon darem op 'n gasbottel water kook. Ons het gemaklik geslaap, maar dit sou tog lekker gewees het as 'n mens (so saam met die reën) meer gerieflik kon sit binne-in die huis (die sitplek binne-in die huis is beperk). Dit gesê, besef ek dat die akkommodasie waarskynlik meer mik vir groter groepe mense wat dan almal saam in die lapa kuier.

Heerlike ontspan in die natuur. Dit was 'n heerlike naweek. Die 3 tieners het hul self besig gehou met potspel en swem. Die leeu-voer en die wildrit was 'n bonus en ons het dit baie geniet. Vir iemand wat van kosmaak hou was die kombuistoerusting beperk, maar ons kon doen wat ons wou.

It was peaceful. Loved the experience. My only problem was that we had to require service on things that were part of the package. For instance, they didn't want to clean the pool and also had to ask for a game drive.

The stay was lovely. The rooms were clean when we arrived. The people were friendly. The game drives were very nice.

Baie lekker en baie mooi, sal weer gaan. Dit was skoon, netjies en alles was reg.

Doen jouself 'n guns en besoek hierdie juweel van 'n plek! 'n Stukkie hemel op aarde! Nederige huisies weggesteek tussen die koppies, rustigheid sonder enige gejaag, ongelooflike sonsondergang game drive en die voorreg om die mooiste diere te sien. Hoe het ons die stukkie mooi misgekyk en net altyd verbygery? Ons kon saans afskakel onder die sterre, sonder tegnologie, langs 'n braaivuurtjie. Tannie Erika en Oom Theuns is die nederigste gashere, en laat jou dadelik welkom en tuis voel. Pak 'n naweekkoelboks in en gaan kruip weg tussen die niks en nêrens. Saterdae kan jy diertjies voer en die mooiste leeus besigtig (Wow! Wow! Wow!) Wat 'n ongelooflike belewenis! Op die game drive kon ons 'n ongelooflike verskeidenheid ander dierspesies, bokke en pragtige voëls besigtig - die mooiste was die pragtige renosters. Kevin was ons drywer en het spesiaal gestop as ons iets wou vasvang op kamera. Doen jouself 'n guns en gaan kuier by die kosbare plekkie! Geen fieterjasies nie, net plattelandse gasvryheid en mooi natuurskoon.

Baie lekker, rustige atmosfeer, pragtige plek. Kan Tarentaalrand vir enige persoon aanbeveel. Veilig, rustig, lekker.