Beskrywing

Op die verre noordelike grens van Suid-Afrika lê 'n pragtige area bekend as die Groot Marico en dis in hierdie asemrowende ligging, in die malaria-vrye Madikwe Wildreservaat waar die privaat eiendom, Tau Game Lodge, geleë is. Tau Game Lodge was in 1995 gebou en kyk uit oor 'n natuurlike watergat, wat 'n verskeidenheid wild aantrek, so ook die diverse plantegroei wat in vrugbare grond floreer. Die huis is sedertdien opgeknap en bied gemak en luuksheid, terwyl daar steeds 'n bosgevoel in en om die huis is.

Ons 30 luukse chalets is in U-formasie versprei aan albei kante van die huis, en bied uitstekende uitsigte van diere wat na die watergat kom vanaf die oewer aan die oorkant. Die huis het 'n 5-ster gradering en chalets is toegerus met lugversorging en dakwaaiers, mini-kroeë, tee- en koffiemaakgeriewe, en suite-badkamer met buitelugstort, en elkeen het 'n eie privaat dek wat jou toelaat om die bos in privaatheid te ervaar.

Die hoofhuis het 'n indrukwekkende ontvangsaal, 'n swembad, 'n eetkamer, sitarea en 'n kroeg (almal gedeeltelik buite). Ons moderne konfensiesentrum bied spesialis toerusting ontwerp met maklike inprop en speel opsies vir alle aanbiedinge.

Gesinne met kinders is welkom by Tau Wildreservaat. Alhoewel kinders onder 6 jaar nie toegelaat word om volwassenes op die standaard wildritte te vergesel nie, word 'n korter kinder-safari van ongeveer 'n uur aangebied en die Tau Cubz Club program is in plek vir hul vermaak.

Madikwe Wildreservaat is tans die land se vierde grootste wildreservaat, bestaande uit 75 000 ha, en geleë in die Noordwestelike Provinsie, spog met wildbesigtiging regdeur die jaar. Dit is een van die min reservate waar mens 'n verskeidenheid fauna kan sien. Teeltroppe olifante, wit en swartrenosters, leeus, jagluiperd, gevlekte en bruin hiëna, buffels, luiperds, sebra en die bedreigde wildehond, kameelperde en vlakvarke is onder die diere wat in die reservaat leef.