The Alphen Boutique Hotel & Spa

Hotel

Kapasiteit: 36 persone
Alle ouderdomme is welkom
Inkloktyd: 14:00 tot 00:00
Uitkloktyd: 10:00
Adres: Alphen-rylaan, Constantia, 7490, Wes-Kaap
Vanaf R6 545 per nag (plek vir 2)
TGCSA-gradering:

Beskrywing

The Alphen Boutique Hotel & Spa bied luukse verblyf in die hartjie van Constantia, Kaapstad en dis naby verskeie bekroonde wynplase. Die oorspronklike geboue, deure en kaggels word deur luukse en moderne geriewe soos die verhitte swembad, ontspannende spa en 3 restaurante op die perseel gekomplementeer. Gaste kan in styl ontspan en die pragtige uitsig oor die netjiese tuine en op die berge geniet.

Verblyf word in 18 kamers, van suites tot superior- en deluxe-kamers, aangebied en elkeen bied slaapplek aan 2 gaste. Elke kamer het 'n ekstra lang koninggrootte-bed met Egiptiese katoenlinne wat op versoek in 2 enkelbeddens omskep kan word en 'n luukse en suite-badkamer met 'n reënstort, aparte bad, dubbelwasbakeenheid, verhitte handdoekrelings, komplimentêre toiletware en badhanddoeke. Daar is ook gratis WiFi, 'n koffiemasjien, teemaakgeriewe, 'n kroegie en 'n TV in elke kamer. Die kamers bied toegang tot 'n privaat terras of direkte toegang tot die tuin.

Ontbyt is ingesluit en kan by een van die 3 restaurante op die perseel geniet word. Ander heerlike maaltye kan ook daar bestel word. Gaste kan in die gastesitkamer of by die kroeg ontspan en van die gratis WiFi regdeur die hotel gebruik maak. Gaste kan ook 'n spa-sessie geniet. The Alphen bied 'n verskeidenheid ervarings wat gaste se verblyf onvergeetlik sal maak. 'n Portier- en pendeldiens is ook beskikbaar.

Daar is ook 'n toegeruste konferensiesentrum met sitplek vir 240 afgevaardigdes. Gaste kan sakekonferensies, troues en ander sosiale funksies daar hou.

Gaste kan deur die groot tuine wandel of in die verhitte swembad swem. Daar is parkeerplek agter 'n afstandbeheerde hek, so gaste kan met gemoedsrus by die hotel ontspan.

Die hotel se sentrale ligging in die hartjie van Constantia se wynstreek in die Moederstad beteken dat gaste maklike toegang tot wynproe, fiets- en bergfietsroetes en perdy het.

Kry ’n Kwotasie