The Aura 93

Beskrywing

The Aura 93 is 'n selfsorgwoonstel in Randburg wat gerieflike verblyf aan gaste bied en is ideaal vir 'n paartjie of sakereisiger.

Dié eenslaapkamer-eenheid het slaapplek vir 2 gaste. Die slaapkamer is ingerig met 'n koningingrootte-bed en maak gebruik van 'n badkamer met 'n stort, wasbak en toilet. Alle linne en handdoeke word voorsien.

Die oopplan-kombuis is toegerus met 'n yskas-vrieskas, stoof, oond, mikrogolf, basiese eetgerei, breekware en tee- en koffiemaakgeriewe. Daar is ook 'n sentraal geleë klein 4-sitplek tafeltjie met stoele. Die kombuis brei uit na die sitarea met 'n gemaklike rusbank en 'n TV wat 'n volledige keuse van DStv-kanale bied. Gaste het toegang tot gratis WiFi regdeur die eenheid.

Deur die skuifdeure van die sitkamer stap gaste uit na die lieflike balkon met buitesitplek. Hierdie eiendom is ongeveer 10 minute vanaf Lanseria-lughawe, 10 minute vanaf Fourways-winkelsentrum, 5 minute vanaf Jackal Creek-gholfbaan, en ook naby die snelweg. Gaste het toegang tot die gemeenskaplike swembad, gimnasium en klubhuis.