The Azures Langezandt

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Erf 2946, Zandt-singel, Langezandt, Struisbaai, 7270, Wes-Kaap
Vanaf R6 201 per nag (plek vir 10)

Beskrywing

The Azures Langezandt is 'n lieflike selfsorgvakansiehuis wat in die hartjie van die kusdorpie Struisbaai geleë is. Dit kan 'n goeie opsie wees vir 'n groot gesin of 'n groep vriende aangesien hierdie ruim huis binne stapafstand van die strand af is.

Hierdie eiendom kan gemaklik altesaam 7 volwassenes en 3 kinders op 'n slag akkommodeer, want dit beskik oor 3 slaapkamers, 'n solderruimte en 4 badkamers. Die hoofslaapkamer is ingerig met 'n koningingrootte-bed en beskik oor 'n en suite-badkamer met 'n stort-oor-bad. Die tweede slaapkamer het 'n koningingrootte-bed, die derde slaapkamer het 'n dubbelbed en 'n enkelbed en die solderruimte het 3 enkelbeddens vir kinders. Daar is nog 'n badkamer met 'n stort-oor-bad, terwyl die ander 2 met 'n stort toegerus is. Skerp wit linne en badhanddoeke word voorsien; gaste moet egter hul eie strandhanddoeke saambring.

Die helder en lugtige oopplan-leefarea beskik oor 'n kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, eetgerei en breekware asook 'n koffiemasjien. 'n Skottelgoedwasser en wasmasjien is in die opwaskamer beskikbaar. Vanuit die kombuis lei 'n etenstafel met oorgenoeg sitplek vir almal om hul etes saam te geniet. Die sitkamer is knus met gemaklike sitplek en 'n platskerm-TV. Op die boonste verdieping is 'n tweede sitkamer met lieflike see-uitsigte.

Buite is daar 'n onderdakstoep met sitplek en 'n ingeboude braai wat 'n wonderlike plek is vir 'n skemerkelkie in die aand terwyl die vuur brand.

Kry ’n Kwotasie