Beskrywing

The Big Tree Main House is in 'n natuurgebied met 'n welige tuin in Hersham, Groot-Brakrivier. Dit is stapafstand vanaf die strand en 'n 9 putjie-gholfbaan en ook net 2,5 km vanaf die De Dekke-besigheidskompleks. Dit bied 'n pragtige uitsig vanaf beide die leefarea en balkon.

Die hoofhuis bied verblyf aan 5 persone met slaapplek vir 'n 6de gas op 'n bank in die woonarea. Gaste moet asb. net vooraf laat weet, sodat daar ekstra beddegoed uitgesit kan word. Gaste het toegang tot die oopplan-kombuis met aparte opwas ares, eet/leefarea met wasgeriewe in die motorhuis. Verkieslik egter dat daar nie meer as 3 keer oer week van die wasgeriewe gebruik gemaak word nie ten einde die 2 permanente huurders op die perseel ook geleentheid te bied om hul wasgoed te doen. Hulle is baie privaat en het nog nooit vakansiehuurders gepla ne

Die hoofslaapkamer het 'n queen size bed met groot volledige ensuite badkamer, die hoof gastekamer het .n dubbelbed en die tweede gastekamer het 'n driekwartbed. Badkamer met 'n stort, toilet en wasbak word gedeel

Die kombuis is met 'n mikrogolf, stoof, oond en yskas-vrieskas en alle kombuistoerusting toegerus. Gaste het ook toegang tot onbeperkte WiFi, DStv Premium en wasgoedgeriewe. Braaigeriewe is binne en buite beskikbaar, en daar is 'n lieflike tuin.

'n Deel van die tuin is omhein wat dit troeteldiervriendelik maak. Gaste moet egter vooraf reël indien hulle hul troeteldiere wil saambring. Verkieslik klein hondjies wat behoorlik 'gepotty train" is aangesien die huis volvloer matte het en ek verkies dat diere nie op meubels slaap nie

Veilige parkeerplek is in 'n motorhuis beskikbaar. Daar is 'n goeie buurtwag en dis veilig om te stap en die roete bied 'n uitsig oor die riviermond en see tot by Mosselbaai.