Beskrywing

The Bird's Nest is 'n selfsorg-chalet, geleë op 'n werkende plaas, in die suidelike Drakensberge in KwaZulu-Natal. Dis ideaal vir 'n gesin wat op soek is na vreedsaamheid, ver verwyder van die stad se rumoer.

Die chalet beskik oor 2 slaapkamers en 1 badkamer en is ten volle gemeubileer. Die hoofslaapkamer is op die grondvloer en het 'n koninggrootte-bed. Die tweede kamer is op die boonste vloer en het nog 'n koninggrootte-bed sowel as 2 enkelbeddens. Daar is ook 1 enkelbed in die oopplan-leefarea. Die badkamer het 'n bad, wasbak en 'n toilet. Al die ligte in die huis werk met batterye en kerse word voorsien vir ekstra beligting. Warm water word met gas verhit.

Die kombuis het al die nodige geriewe om etes voor te berei, sowel as 'n gasstoof met 'n oond, 'n ketel, 'n yskas-vrieskas en ingeboude kaste vir breekware en eetgerei. Die leefarea het gemaklike rusbanke en daar is 'n kaggel om die koue te verdryf. Daar is braaigeriewe buite beskikbaar. Troeteldiere is welkom op die perseel.

Doendinge in die omgewing sluit in: staproetes, bergfietsry en 4x4-roetes, indien jy jou eie toerusting saambring. Die plaas is geleë in die berge in die Drakensberg-area en die naaste dorp is Underberg wat sowat 45 km van ons af is.