The Blue Marine Self-Catering

Selfsorg

Kapasiteit: 2 persone
Geen kinders
Inkloktyd: 14:00 tot 18:00
Uitkloktyd: 10:00
Adres: Blushing Bride-doodloopstraat 5, Gordonsbaai, 7140, Wes-Kaap
Vanaf R1 200 per nag (plek vir 2)
TGCSA-gradering:

Beskrywing

The Blue Marine Self-Catering is 'n selfsorgwoonstel 2 km buite Gordonsbaai, 'n skilderagtige hawedorpie in die Wes-Kaap. Gordonsbaai spog met pragtige strande, geniet 'n Mediterreense klimaat en bied die ideale seevakansie.

Die oopplan-woonstel bied slaapplek vir tot 2 gaste en beskik oor 'n koninggrootte-bed en 'n badkamer. Die en suite-badkamer het 'n bad en 'n stort, 'n toilet en 'n wasbak. Bad- en swemhanddoeke word voorsien.

Die eenheid het 'n oopplan-kombuis en -leefarea. Die kombuis is volledig toegerus vir selfsorg en beskik oor 'n stoof, oond, yskas-vrieskas, mikrogolf, eetgerei en breekware. Daar is 'n wasmasjien sowel as 'n skottelgoedwasser. Daar is 'n eetarea en die sitkamer het 'n gemaklike sitkamerstel en 'n platskerm-TV met 'n volledige DStv-pakket. Die leefarea maak oop op 'n lieflike balkon met stoepmeubels buite, 2 sonstoele en braaigeriewe. Die balkon bied pragtige see-uitsigte. Die eenheid het motorhuisparkeerplek met direkte toegang. Weens kragonderbrekings het ons sonkrag en batterye beskikbaar sodat gaste lig het en toestelle kan gebruik.

Neem asseblief kennis dat die verblyf nie-rook is. Gaste word gevra om nie binne die woonstel te rook nie, maar rook word op die balkon toegelaat.

The Blue Marine is sentraal geleë 40 minute van Kaapstad af, wat dit die ideale basis maak om al die Kaap se voorste toeriste-aantreklikhede te verken.

Kry ’n Kwotasie