Beskrywing

The Bridge 13 is 'n lieflike selfsorgwoonstel vir 4 gaste in St. Lucia en die kompleks is langs die riviermonding in 'n lieflike tuin geleë.

Die woonstel op die grondverdieping beskik oor 2 slaapkamers, 1 badkamer, 'n oopplan-kombuis en -sitarea. Die hoofslaapkamer het 'n koningingrootte-bed en die tweede slaapkamer het 2 enkelbeddens. Gaste deel die badkamer wat 'n bad, stort en 'n toilet het.

Die oopplan-kombuis is met 'n mikrogolfoond, stoof, yskas en koffie- en teemaakgeriewe toegerus. Etes kan by die toonbank geniet word en gaste kan in die sitarea ontspan, wat na 'n stoep met 'n uitsig oor die tuin lei.

Die kompleks bied 'n gemeenskaplike swembad, braaigeriewe en 'n tennis- en muurbalbaan. Snags besoek seekoeie en ratels gereeld die kompleks en gaste kan ook op die perseel voëlkyk.

The Bridge 13 is 2 km van Ingwe-strand af en gaste kan die wêreldbekende iSimangaliso-vleilandpark besoek, die seeskilpaaie wat hul eiers gedurende November lê besoek, of tussen Junie en September walviskyk. Aktiwiteite in die omgewing sluit perdry, staproetes, voëlkyk, branderplankry, visvang, kajaksafari's, seekoei-bootvaarte en wildkyk in.