The Brother's Guest House

Gastehuis

Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Burleigh-singel 14, Durban-noord, 4051, KwaZulu-Natal
Vanaf R1 300 per nag, vir 2 mense

Beskrywing

The Brother's Guest House is geleë in die luukse woonbuurt Durban-Noord, een van Durban se oudste gevestigde voorstede, naby al die stad se groot besienswaardighede. Die gastehuis is 15 minute se ry vanaf die Durbanse middestad en al die vernaamste sportplekke, Gateway Winkelsentrum, en die pragtige sandstrande van Umhlanga. Daar is ook baie restaurante binne stapafstand.

Die gastehuis bied verblyf in 3 gastekamers in die hoofhuis, en 'n groot selfstandige aparte kothuis. Elke gastekamer het sy eie en suite, 'n yskassie, mikrogolf, tee- en koffiemaakgeriewe, 'n plafonwaaier en lugversorging, 'n TV met Gastehuis-pakket en gratis WiFi.

Ontbyt word daagliks in die eetkamer bedien of buite om die pragtige swembadarea wat oor die rustige tuin uitkyk. Gaste het 'n keuse van 'n volledige Engelse ontbyt, of 'n kontinentale ontbyt.

The Brother's Guest House is in 'n rustige en tropiese tuin omring deur palmbome. 'n Sprankelende swembad wag op gaste asook 'n grasdak-gazebo en braaigeriewe. Ontspan langs die swembad, lees 'n boek in die formele sitkamer, of spandeer tyd in die gastehuis se eie kroeg en mediakamer. Oorgenoeg veilige parkeerplek is op die perseel beskikbaar.

Die gaskoördineerders, Stephen en Robyn, sal meer as bly wees om al jou behoeftes te akkommodeer.

Kry ’n Kwotasie