The Clubhouse on 37th

Selfsorg

Spesiale Aanbod 10% af

Kry 10% af (minimum twee nagte se verblyf). Geldig vir verblyf vanaf 28 Nov 2024 tot 11 Des 2024.

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 37ste Straat 19, Shelley Point, St. Helenabaai, 7390, Wes-Kaap
Vanaf R2 300 per nag (plek vir 6)

Beskrywing

The Clubhouse on 37th is die perfekte wegbreekplek op die gholfbaan op Shelley Point Estate. Hierdie verblyf is in die hartjie van St. Helenabaai en is 'n ideale opsie vir 'n wegbreek saam met vriende en familie aan die Weskus.

Dié dubbelverdieping-eenheid bied slaapplek aan 6 gaste en beskik oor 3 en suite-slaapkamers en 'n gastetoilet. Die eerste 2 slaapkamers het elkeen 'n koningingrootte-bed en 'n en suite-badkamer met 'n bad en stort. Die derde slaapkamer het 2 enkelbeddens en 'n en suite-badkamer met 'n stort. Gehaltelinne en badhanddoeke word voorsien.

Die oopplan-leefarea beskik oor 'n kombuis wat met 'n gasstoof, elektriese oond, mikrogolf, yskas-vrieskas, eetgerei en breekware asook 'n sentrale eiland met stoele toegerus is. Daar is ook 'n skottelgoedwasser en wasmasjien. Die kombuis lei na 'n etenstafel waar gaste hul maaltye saam kan geniet. Die knus sitarea het gemaklike sitplek en 'n slim-TV met Netflix en YouTube. Gratis WiFi is beskikbaar.

Die skuifdeure lei na 'n onderdakstoep met 'n buite-etenstafel en braaigeriewe wat 'n wonderlike plek is vir 'n skemerkelkie in die aand. Die boonste verdieping het ook 'n see-uitsig in die verte.

Kry ’n Kwotasie