The Dairy

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Skuinskraal Plaas, Hoekwil, 6538, Wes-Kaap
Vanaf R2 100 per nag (plek vir 6)

Beskrywing

The Dairy bied akkommodasie in die hartjie van die Tuinroete naby die bekoorlike dorpie Hoekwil. Die huis is 'n ou melkstal wat omskep is in 'n ruim selfsorg-eenheid. The Dairy House bied fantastiese uitsigte op die Outeniekwaberge en 'n plaasdam.

Daar is 2 slaapkamers wat slaapplek bied vir 6 mense. Die hoofslaapkamer het 'n koningingrootte-bed en die tweede slaapkamer het 2 enkelbeddens. Die 2 badkamers het beide slegs stortgeriewe en die hoofslaapkamer se badkamer is en suite. Al ons linne is perkal-katoen. Handdoeke word voorsien, maar gaste moet hul eie strandhanddoeke bring.

Die ruim oopplan-kombuis en -sitarea het groot konsertinadeure wat op die stoep met 'n braai-area uitloop. Buite is 'n vuurput in die ou kraal waar die koeie voorheen bymekaar gemaak is voor melktyd. Daar is 'n Dover-stoof in die oopplan-kombuis wat die hele huis op 'n koue wintersdag warm maak.

'n Plaasswembad is beskikbaar langs die huis vir besoekers wat lekker in die somerhitte wil ontspan. Dit is veilig en daar is 'n kindervaste hekkie. Die swembad met sy houtdek is veral gewild onder ons gaste.

Daar is 'n houtvuur-warmbad op 'n houtdek wat na die stoep lei. Gaste kan in die warmbad ontspan terwyl hulle wag vir die braaivleisvuur.

Die plaasdam is sowat 80 m van die huis af - die dam is nie omhein nie, so ouers moet asseblief 'n ogie oor die kleinspan hou.

Kry ’n Kwotasie