The Deck & Hull @ Ku'ulani Corner

Beskrywing

The Deck & Hull @ Ku'ulani Corner is 'n bekoorlike selfsorgwoonstel in die hartjie van die historiese dorpie Franschhoek en is ideaal vir gaste wat die Kaapse Wynlande en sy omgewing wil verken.

Dié woonstel bied slaapplek aan 4 gaste en 1 baba en beskik oor 2 slaapkamers en 2 en suite-badkamers. Die kamers het plafonwaaiers en verwarmingspanele teen die mure. Die hoofslaapkamer het 'n koninggrootte-bed, 'n hoekbad en 'n en suite-badkamer met 'n stort, wasbak en 'n toilet. Die tweede slaapkamer het 2 enkelbeddens wat as een bed opgemaak kan word en 'n en suite-badkamer met 'n stort, wasbak en 'n toilet. Linne en handdoeke word voorsien. 'n Bababed en -stoeltjie is op versoek beskikbaar.

Die oopplan-kombuis is met 'n yskas-vrieskas, stoof, oond, mikrogolf, eetgerei, breekware en tee- en koffiemaakgeriewe toegerus. Dit lei na die sitarea met rusbanke en 'n kaggel.Gratis WiFi is beskikbaar.

'n Boot-geïnspireerde wenteltrap lei na die boonste leefarea en dek met sitplek en uitsigte op die berge en oor die wingerde.

The Deck & Hull bied die perfekte basis vanwaar gaste Franschhoek kan verken en bied maklike toegang tot luukse eetplekke, galerye en unieke boetieks. Dit is net 4 minute se stap vanaf die hoofstraat en gaste kan die dorpie te voet verken.