The Donkey Dairy Kothuis - Plaaswerf Verblyf

Selfsorg

Soos Gesien op Instagram
Kapasiteit: 4 persone
Geen kinders onder 2
Inkloktyd: 14:00 tot 19:00
Uitkloktyd: 10:00
Adres: Langs HD 23, Boschfontein Plaas, Maanhaarrand, 0346, Noordwes
Vanaf R1 200 per nag (plek vir 4)

Beskrywing

Die unieke Donkey Dairy Kothuis - Plaaswerf Verblyf is teen die hange van die majestueuse Magliesberg geleë en bied gerieflik gemeubileerde selfsorgverblyf op 'n werkende donkieplaas, slegs 16 km vanaf Hekpoort en die dorp Magaliesburg. Die eiendom word aangedryf deur sonkrag.

Die plaas is die tuiste van alpakkas, miniatuur donkies, perde, hoenders, hase, chinchilla's, bokke en koeie, en die verblyf word aangebied in 'n aparte kothuis geleë, maar naby die hoofhuis.

Die kothuis is ideaal vir 2 volwassenes en 2 kinders van 15 jaar en jonger en het 'n privaat ingang en beskik oor 1 slaapkamer, 1 badkamer en 'n kombuisie. Die slaapkamer is ingerig met 'n dubbelbed, asook 'n slaapbank vir 2 kinders, en het 'n groot instapkas. Gratis WiFi en 'n TV met Netflix is ook beskikbaar.

Die badkamer is toegerus met 'n stort, toilet en wasbak. Gerieflikheidshalwe word linne, badhanddoeke, toiletpapier en 'n stukkie natuurlike donkiemelksep voorsien. Gaste moet asseblief hul eie swemhanddoeke saambring.

Die kombuisie is toegerus met 'n tweeplaatstoof en oond, 'n mikrogolfoond, 'n yskas-vrieskas, potte en panne, eetgerei en breekware, tee- en koffiemaakgeriewe, asook 'n strykyster en strykplank. Komplimentêre koffie, tee, melk en tuisgebakte beskuit sal met aankoms beskikbaar wees.

Die kothuis maak oop op 'n stoep met 'n etenstafel, en buitebraai en boma-area met hangmatte vir gaste wat die sterrehemel wil geniet, en 'n klein privaat swembad om in af te koel. Onderdakparkeerplek word voorsien.

Die Mini Plaaswinkel bied aan gaste koeldrank, lekkers, tuisgemaakte konfyte en beskuit, asook die bekende Donkey Dairy produkte soos melk, seep en gesigroom.

Gaste sal volle toegang tot die plaas van 34 hektaar hê, en is welkom om met die plaasdiere te kommunikeer en aan plaaspligte deel te neem soos om die bababokkies te voer. Die plaas bied 'n gesinsvriendelike staproete, Brayer's Eye, met die bergdonkies en is 2 km lank. Piekniekkomberse en rugsakke vir die staproete sal ook voorsien word. Vir romantiese paartjies sal 'n staptog na Long Ears Lookout 'n lieflike uitsig oor die Magaliesberg-vlaktes bied terwyl hulle 'n glas sonsondergangwyn geniet.

Kry ’n Kwotasie