The Gables

Selfsorg

Naweekaanbod 20% af

Kry 20% af vir verblyf op Vrydag en Saterdag (minimum twee nagte se verblyf). Geldig vir verblyf vanaf 5 Apr 2024 tot 2 Des 2024.

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Turnstone-keeromstraat 209, Grottobaai, 7345, Wes-Kaap
Vanaf R2 000 per nag, vir 2 mense

Beskrywing

The Gables is in Grottobaai se natuurreservaat geleë en bied selfsorgverblyf aan 'n gesin of paartjie wat 'n bietjie wil wegbreek. Die perseel is stapafstand vanaf die see en bied 'n see-uitsig.

The Gables is geskik vir tussen 4 en 10 gaste en het 5 slaapkamers en 3 badkamers. Daar is 4 slaapkamers wat elk 'n dubbelbed het en die vyfde slaapkamer het 2 enkelbeddens en 'n uittrek-enkelbed. Daar is 2 badkamers wat elkeen 'n toilet, wasbak, stort en bad het. Die derde badkamer is en suite en het 'n bad, wasbak en 'n toilet.

Die kombuis is met 'n yskas, induksiestoof, mikrogolfoond, wasmasjien en skottelgoedwasser toegerus. Daar is ook 'n gasstoof en batteryligte vir beurtkrag. Verder is daar braaigeriewe en veilige parkeerplek op die perseel. The Gables het DStv Premium met 'n Explora-dekodeerder. Die ligte, DStv en WiFi werk tydens beurtkrag.

Grottobaai is langs die Grottobaai Privaat Natuurreservaat, op die R27, suidwes van Darling en 68 km vanaf Kaapstad geleë. The Gables is ongeveer 400 m van die naaste strand af. Daar is ook verskeie staproetes op die landgoed.

Kry ’n Kwotasie