The Good Earth Villa 1

Selfsorg

Langtermynverblyf-aanbod 30% af

Kry 30% af vir verblyf wat 30 nagte of langer is. Hierdie aanbod is altyd geldig.

Soos Gesien op Facebook
Kapasiteit: 8 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Askopstraat 9, The Crags, Plettenbergbaai, 6602, Wes-Kaap
Vanaf ~~R4 800~~ R3 360 per nag (plek vir 8)

Beskrywing

The Good Earth Villa 1 bied luukse selfsorgverblyf met 'n manjifieke uitsig oor die inheemse woud en op die berge in The Crags, sowat 15 minute se ry vanaf die kusdorpie Plettenbergbaai. Die villa is die ideale basis vanwaar gaste die natuurskoon, strande en eko-aktiwiteite op dié gewilde deel van die Tuinroete kan verken.

Die villa bied slaapplek aan 8 gaste en beskik oor 4 slaapkamers, 3 badkamers, 'n kombuis, 'n leefarea en 'n privaat swembad. Die hoofslaapkamer het 'n koningingrootte-bed en 'n en suite-badkamer met 'n bad, toilet en 'n wasbak. Die tweede slaapkamer het 'n dubbelbed en die derde en vierde slaapkamer het elk 2 enkelbeddens. Die tweede en derde badkamer het elk 'n stort, toilet en 'n wasbak.

Drie van die 4 slaapkamers spog met uitsigte oor die inheemse woud en op die Tsitsikammaberge. Die vierde slaapkamer het 'n aparte ingang en dié gaste deel 'n badkamer met nog 'n slaapkamer op die boonste verdieping.

Die oopplan-kombuis op die onderste verdieping is met 'n yskas-vrieskas, gasstoof, oond, mikrogolfoond, basiese eetgerei, breekware en tee- en koffiemaakgeriewe toegerus. Daar is ook 'n etenstafel met stoele en 'n sitarea met gemaklike rusbanke, 'n platskerm-TV en 'n kaggel.

Die stapeldeure bied toegang tot die stoep en dit lei na die swembad, braai-area, vuurput en dek wat 'n uitsig oor die omliggende woud en op die berge bied. Veilige parkeerplek is op die perseel beskikbaar.

Kry ’n Kwotasie