ThE LaZy ShArK

B&B

Kapasiteit: 10 persone
Alle ouderdomme is welkom
Inkloktyd: 13:00 tot 16:00
Uitkloktyd: 10:00
Adres: Egertonstraat 29, Freeland Park, Scottburgh, 4180, KwaZulu-Natal
Vanaf R1 240 per nag, vir 2 mense

Beskrywing

ThE LaZy ShArK bied B&B- en selfsorgverblyf in Freeland Park, Scottburgh aan KwaZulu-Natal se Suidkus. Die eiendom het 'n tuin wat oomblikke van stilte vir selfrefleksie bied en natuurliefhebbers sal die voëllewe en lowergroen omgewing waardeer. Gaste kan saam met vriende skemerkelkies op die stoep of op hulle eie balkon geniet, of bloot onder die Afrika-sterrehemel sit en ontspan.

ThE LaZy ShArK is die ideale basis vanwaar die omliggende area verken kan word. Daar is myle ongerepte, wit strande, die geleentheid om te skubaduik, en pragtige gholfbane in die area. Geniet die besonderse sonsondergange en die onvergeetlike uitsigte oor die Indiese Oseaan.

Verblyf word gebied in 4 gastekamers naamlik die The Great White Ateljee, Whale- en Tiger Shark Kamers, Hammerhead Shark Kamer, asook die Raggies Selfsorgkothuis. Al 4 kamers en die kothuis kan saam vir groepe van 10 bespreek word.

Elke gastekamer het 'n TV met sekere DStv-kanale, 'n kluis, 'n waaier of lugversorging, gratis WiFi, 'n haardroër, 'n yskassie en tee- en koffiemaakgeriewe. Badhanddoeke, linne en stortjel word voorsien.

Die Raggies Selfsorgkothuis het 'n toegeruste kombuis, sitarea, stoep en braai-area.

ThE LaZy ShArK het 'n lieflike swembad met sonstoele, 'n ingeboude kroeg en pooltafel, 'n biblioteek, beskutte stoep met buitemeubels, en sitplek.

Kry ’n Kwotasie