The Leadwood Safari Camp

Wildsplaas

Soos Gesien op Instagram
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kaallaagte-pad, Dinokeng Wildreservaat, Hammanskraal, 0400, Gauteng
Vanaf R1 950 per nag, vir 2 mense

Beskrywing

The Leadwood Safari Camp is in die hartjie van die Dinokeng Groot 5 Wildreservaat geleë en bied 'n unieke glanskampervaring wat die natuurlike elemente van die Afrika-bos en die gemak en gerief van 'n privaat eko-kamp bymekaar bring. Die uitsonderlike kamp is heeltemal onafhanklik van die tradisionele kragnetwerk en bied al die geriewe vir gerieflike selfsorgverblyf. Of jy nou op soek is na 'n wegbreek buite die stad se gedruis, of 'n intieme natuur-ervaring, hierdie luukse tente is die ideale verblyfkeuse.

Die eko-kamp bestaan uit 5 glanskampeenhede wat elk slaapplek aan 2 volwassenes en 2 kinders onder die ouderdom van 12 bied. Elkeen van die Glamp Site-eenhede het 'n koninggrootte-bed en 2 matrasse wat slegs vir 2 kinders geskik is, asook 'n privaat badkamer met 'n stort, toilet en 'n wasbak. Die Privaat Safari Camplet-eenheid het 'n koninggrootte-bed en 'n badkamer met 'n bad en 'n stort. Elke glanskampeenheid spog ook met 'n houtvuurwarmbad.

Elke glanskampeenheid het 'n kombuisie wat met 'n tweeplaat-gasstoof, yskas-vrieskas, eetgerei en breekware toegerus is. Daar is ook 'n etenstafel, sitplek, 'n kaggel en braaigeriewe. Gaste het toegang tot gemeenskaplike geriewe wat 'n lapa, swembad en parkeerplek insluit.

Gaste kan of die oggend- of die middagwildrit in die Dinokeng Wildreservaat bespreek.

Kry ’n Kwotasie