The Mandyville

Gastehuis

Kapasiteit: 24 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Uys-straat 30, Jeffreysbaai, 3660, Oos-Kaap
Vanaf R1 715 per nag, vir 2 mense
TGCSA-gradering:

Beskrywing

The Mandyville is in die pragtige kusdorp, Jeffreysbaai geleë. Dié gastehuis se verblyf het unieke temas, asook privaat balkonne en stoepe. Die pragtige tuin is so ontwerp dat dit ideaal is om buite te kuier of om net te ontspan. Daar is slaapplek vir 24 volwassenes of 32 gaste as kinders met ouers deel.

Daar is 10 ruim en gerieflike klassieke kamers, elk pragtig versier. Elke kamer beskik oor 'n platskerm-TV, sekere DStv-kanale, tee- en koffiemaakgeriewe 'n volledige en suite-badkamer, asook 'n skuifdeur wat lei na die balkonnetjie. Daar is ook 2 "executive" suites aan die gastehuis se voorkant. Elke suite het 'n en suite-badkamer met stort en spa-bad, asook 'n klein sitarea en privaat balkon. Verder is daar ook 'n gesinskamer met slaapplek vir 2 kinders onder 12 jaar op slaapbanke teen ekstra koste. Platskerm-TV's met sekere DStv-kanale, yskassies en spieëltafels is ook beskikbaar.

Die gastehuis het ook 'n volgepakte eerlikheidskroeg, asook 'n lieflike tuin, vuurput-braaigeriewe en oop patio onder die bome. Die gastehuis is omhein en het ook elektriese bedrading en 'n elektroniese hek, met veilige parkeerplek binne, en 24-uur-sekuriteit.

The Mandyville spesialiseer in partytjies en konferensies vir groepe van 10 tot 35. Die geriewe is topklas en dra by tot 'n onvergeetlike geleentheid.

Kry ’n Kwotasie