The Orchid Guesthouse

Gastehuis

Kapasiteit: 8 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Mavrostraat 272, Vaalwater, 0530, Limpopo
Vanaf R920 per nag, vir 2 mense

Beskrywing

Die Orchid Gastehuis is in die hartjie van die Waterberg, in die dorpie Vaalwater geleë. Dis ideaal op pad na Lephalale (Ellisras) en Botswana (Stockpoort Grenspos), 2 ure se ry vanaf Pretoria, en 'n uur vanaf Lephalale.

Die grasdakgastehuis bied 4 pragtige eenhede. Al die kamers het wit linne en elkeen het 'n deur wat na 'n stoep met 'n uitsig oor die tuin lei. Daar is ook tee- en koffiemaakgeriewe, yskassies, TV's met sekere kanale en lugversorging in elke kamer.

Daar is 'n TV met al die DStv-kanale in die eetkamer en lapa. Ontbyt en aandete kan op versoek bedien word. Alkohol word nie bedien nie, maar gaste is welkom om hul eie drankies saam te bring.

Die groot tuin het 'n verskeidenheid bome en is 'n lushof vir verskeie voëlspesies. Opknappingswerk aan die putt-putt-baan vind tans plaas, maar dit sal binnekort weer beskikbaar wees.

Kry ’n Kwotasie