The Owl House

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Meeurots-singel 5, Kersbosstrand, Dwarskersbos, 7365, Wes-Kaap
Vanaf R2 250 per nag, vir 6 mense

Beskrywing

The Owl House is 'n gerieflik gemeubileerde selfsorghuis in Kersbosstrand, Dwarskersbos. Dié vakansiehuis is 200 meter van die strand af.

Die huis is toegerus met 'n omskakelaar en batterystelsel wat krag verskaf aan al die dakligte, TV, WiFi en yskas. Daar is 'n gasstoof. Beurtkrag het 'n minimum impak op gaste.

Dié bekoorlike vakansiehuis bied slaapplek aan tot 6 persone en bestaan uit 3 slaapkamers en 2 badkamers. Die hoofslaapkamer is ingerig met 'n koningingrootte-bed en beskik oor 'n en suite-badkamer met 'n stort. Die tweede slaapkamer het ook 'n koningingrootte-bed en die derde slaapkamer het 2 enkelbeddens. Die tweede en derde slaapkamers deel die tweede badkamer, toegerus met 'n stort en 'n bad; beide badkamers het verwarmers geïnstalleer, en daar is elektriese komberse op al die beddens in die winter. Beddegoed en badhanddoeke word voorsien.

Die goed toegeruste kombuis het 'n yskas-vrieskas, 'n mikrogolfoond, 'n 4-plaat gasstoof met 'n elektriese oond, asook 'n filterkoffiemasjien, 'n ketel en 'n broodrooster. In die aparte opwaskamer is daar 'n wasmasjien en 'n skottelgoedwasser, eetgerei, breekware, potte en panne, 'n strykyster en 'n strykplank. T-handdoeke, opwaslappies en opwasmiddel word voorsien.

Die oopplan-leefarea bied 'n 6-sitplek-eetkamertafel, banke om op te ontspan, 'n TV met sekere DStv-kanale, en 'n groot houtkaggel wat die huis knus en warm sal hou in die winter. Die leefarea lei na die braaikamer, wat 'n ingeboude braai-area, 'n 6-sitplek tafel en stoele het; 'n braairooster, braairak en braaigereedskap word voorsien.

Parkeerplek van die straat af is beskikbaar vir 2 voertuie, agter die huis.

In Dwarskersbos is daar 2 kafees wat kos verkoop en 'n bottelstoor. Daar is 2 restaurante, The See-Kaia en Deli on Main, 'n haarkapper, 'n binneversieringswinkel en 'n wassery. Daar is 'n groot supermark in Laaiplek, en 'n winkelsentrum in Vredenburg. Daar is 4x4-roetes in die omgewing, asook baie grondpaaie vir bergfietsryers.

Kry ’n Kwotasie