The Oyster Box Beach House

B&B

Kapasiteit: 4 persone
Geen kinders onder 16
Inkloktyd: 15:00 tot 19:00
Uitkloktyd: 11:00
Adres: Elliotstraat 19, Kenton-on-Sea, 6191, Oos-Kaap
Vanaf R2 990 per nag (plek vir 2)

Beskrywing

The Oyster Box Beach House het een van die mees skouspelagtige see-uitsigte. Ontspan op die dek na 'n dag in die son en geniet 'n drankie langs die swembad terwyl jy na die manjifieke uitsigte of walvisse kyk.

The Oyster Box Beach House is in die rustige kusdorpie Kenton-on-Sea geleë en dit het ononderbroke uitsigte van die Boesmansrivier, die riviermond en kuslyn van 6 km na Dias Cross. Dit is een van die beste kusuitsigte in Suid-Afrika.

Die Luukse Suite bo het 'n koninggrootte-bed, 'n instapkas, groot en suite-badkamer met 'n dubbelwasbak-eenheid, 'n losstaande bad, groot intstapstort, verhitte handdoekreling en kragpunt vir 'n skeermes. Die kamer is luuks en ruim en ontbyt en aandete met kerslig kan op die privaat balkon voorgesit word. Die kamer is ideaal vir 'n wittebrood en spesiale geleenthede.

Die area bo is 70 m² groot en die slaapkamer het sy eie sitkamer/studeerkamer met 'n rusbank vir 3, leunstoel, koffietafel, lessenaar en stoel, biblioteek, kroegie en verversingspunt. Daar is ook 'n kabinet met boeke oor Suid-Afrika se voëls en diere. Albei kamers bied toegang tot 'n privaat balkon met leunstoele en die ongelooflike uitsig.

Kry ’n Kwotasie