The Oyster Box

Hotel

Soos Gesien op Instagram
Kapasiteit: 178 persone
Alle ouderdomme is welkom
Inkloktyd: 14:00 tot 23:00
Uitkloktyd: 11:00
Adres: Lighthouse-weg 2, Umhlanga Rocks, 4320, KwaZulu-Natal
Vanaf R7 052 per nag (plek vir 2)
TGCSA-gradering:

Beskrywing

The Oyster Box is op Umhlanga se seefront, direk op die strand en bied ’n uitsig oor die Indiese Oseaan. Dit is net 17 km vanaf King Shaka Internasionale Lughawe en dit is ’n lid van die Red Carnation Hotel Collection. Die hotel bied ’n bekende kerriefees, "high tea" en spa-behandelings in ’n tropiese tuin.

Daar is 86 luukse kamers, suites en villas om van te kies. Elke kamer in die luukse hotel is mooi opgeknap met luukse meubels, pragtige dekor, en moderne geriewe soos telefone met stempos, platskerm-TV's, hoëspoed WiFi, en verhitte handdoekreëlings. Komplimentêre mineraalwater, en koffie-en teemaakgeriewe word voorsien. Strandtoerusting, 'n vol gepakte yskassie en luukse badjaponne is beskikbaar.

Daar is 2 swembaddens, mooi tuine vol voëllewe en apies, sowel as direkte toegang tot beskermde swemstrande en paadjies langs die strand.

Inligting oor 'n kindervriendelike verblyf word aan gesinne gebied wanneer hulle inklok. Afhangende van die kamerkategorie en beskikbaarheid, bly kinders onder 12 verniet en ontvang hulle ’n rugsak met vakansie-items, soos visnette, strandballe en inkleurbokke. Elke kind kry ook ’n armband wat hulle toelaat om komplimentêre goedere soos ’n gaskoeldrank, ’n toffie-appel, melkskommel, roomys en spookasem tydens hul verblyf te ontvang. ’n Spesiale kindervriendelike happie word op kinders se kussings elke aand gesit.

Die hotel het 4 funksiekamers wat voorsiening maak vir sakevergaderings, troues, en ander spesiale geleenthede soos verjaarsdae of herdenkings.

Troeteldiere is welkom by Oyster Box. Die tuinvillas bied 'n verskeidenheid troeteldierbedjies en spyskaarte aan gaste om hul troeteldiere te bederf. Gaste wat troeteldiere wil saambring moet asb. navraag doen met bespreking. 'n Terugbetaalbare breekskadedeposito word met aankoms vereis.

The Oyster Box bied ook 'n verskeidenheid kortverblyf-pakkies en spesiale aanbiedinge aan wat privaat funksies, 'n driegangmaaltyd en die koste van die venue insluit. Dit word gereeld opgedateer en sluit lekkerbek-etes, spa-behandelings, en daguitstappies na plaaslike besienswaardighede in. Gaste kan navraag doen vir meer inligting.

Kry ’n Kwotasie