The Ridge

Selfsorg

Langtermynverblyf-aanbod 25% af

Kry 25% af vir verblyf wat 25 nagte of langer is. Geldig vir verblyf vanaf 11 Sep 2024 tot 16 Des 2024.

Kapasiteit: 2 persone
Geen kinders
Inkloktyd: 14:00 tot 20:00
Uitkloktyd: 10:00
Adres: Tafelberg-weg 6, Kenridge, Durbanville, Kaapstad, 7550, Wes-Kaap
Vanaf ~~R950~~ R713 per nag (plek vir 2)

Beskrywing

The Ridge is 'n ruim eenslaapkamerwoonstel in die boomryke woonbuurt Kenridge, Durbanville, met maklike toegang tot Durbanweg en binne 'n 4 km-radius van gewilde winkelsentrums, sakegebiede en 'n wye verskeidenheid restaurante.

Dié woonstel het slaapplek vir 2 gaste en is ingerig met 'n koningingrootte-bed en het 'n badkamer met 'n instapstort, bad, wasbak en toilet. Alle linne en handdoeke word voorsien. Die eenheid beskik oor oorgenoeg kasspasie en is ideaal vir langverblyfgaste, sakereisigers of 'n paartjie se wegbreek. 'n Haardroër, klere-yster en strykplank word ook voorsien. Daar is 'n plafonwaaier in die slaapkamer en 'n staande waaier wat rondgeskuif kan word vir daardie warm somersdae. 'n Verwarmer word voorsien vir die kouer nagte.

Die eenheid het 'n kombuis wat volledig toegerus is met 'n yskas-vrieskas, induksiestoof, mini-oond, mikrogolf, basiese breekware en eetgerei, asook tee- en koffiemaakgeriewe. Van die kombuis af lei die sitarea met gemaklike sitplek en 'n TV met toegang tot sekere DStv-kanale en Netflix. WiFi is beskikbaar en gaste het toegang tot bordspeletjies, boeke en tydskrifte sou hulle verkies om binnenshuis te bly.

Die buite-area het 'n lieflike terras met braaigeriewe, en stoepmeubels en het groot veilige parkeerplek op die perseel wat gemaklik 2 voertuie kan akkommodeer).

Dié eiendom is 'n hanetreetjie van Hoërskool Fairmont af en stapafstand van die Durbanville-roostuin en Kenridge-sentrum af. Op die drumpel is die Durbanville-wynroete en 'n groot verskeidenheid doendinge soos natuurwandelings, minigholf, slee, en teaters.

Kry ’n Kwotasie