The Sanctuary on Raithby

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Raithby Vines-keeromstraat 2, Raithby, Somerset-Wes, 7130, Wes-Kaap
Vanaf R4 975 per nag (plek vir 6)

Beskrywing

The Sanctuary on Raithby is in die skilderagtige dorpie in Somerset-Wes geleë en is 'n luukse villa wat hoë gehalte selfsorgverblyf bied. Somerset-Wes spog met verskeie wynplase, uitstekende restaurante, 'n winkelsentrum en gholflandgoedere, wat dit die ideale bestemming maak vir gaste wat 'n ontspanne wegbreek soek.

Dié pragtige dubbelverdiepingvilla beskik oor 3 slaapkamers en bied slaapplek aan 6 gaste. Die boonste verdieping lei na 'n werkspasie en die hoofslaapkamer wat 'n koninggrootte-bed en 'n en suite-badkamer met 'n bad en 'n stort het. Die ander twee kamers is op die onderste verdieping en een het 'n koningingrootte-bed en die ander het 2 enkelbeddens. Die tweede slaapkamer het 'n en suite-badkamer met 'n stort en die derde slaapkamer se gaste gebruik 'n aparte badkamer met 'n stort.

Die kombuis, eetarea en sitarea is op die grondverdieping. Die kombuis is met 'n yskas-vrieskas, gasstoof, oond, mikrogolfoond en 'n koffiemasjien toegerus. Die aparte opwaskamer het 'n skottelgoedwasser, wasmasjien en 'n tuimeldroër. Die leefarea lei na 'n toegeboude stoep met oorgenoeg sitplek en ingeboude braaigeriewe wat verder na 'n swembad lei.

Hierdie verblyf het ook 'n omsetter wat ononderbroke elektrisiteit tydens kragonderbrekings voorsien.

Kry ’n Kwotasie