The Shoe Guest House

Selfsorg

Gratis kansellasie tot 24 uur voor jou verblyf!
Kapasiteit: 44 persone
Alle ouderdomme is welkom
Inkloktyd: 13:00 tot 19:00
Uitkloktyd: 10:00
Adres: Hoofstraat R36, 20 km vanaf Ohrigstad, Ohrigstad, 1122, Limpopo
Vanaf R800 per nag, vir 2 mense

Beskrywing

The Shoe Guest House word deur The Shoe Ministries besit, 'n nie-winsgewende organisasie wat die wins van die gastehuis gebruik om die woord aan die nasie te verkondig. Verblyf word aangebied op 'n omheinde plaas in die middel van die bosveld en is die tuiste van The Shoe - 'n 12 m lange skoen wat 'n museum en 'n gallery is.

Die instansie maak 80% van sonkrag gebruik en beskik oor 8 aparte chalets waarvan 4 langs mekaar onder een dak geleë is. Dit was 'n groot plaashuis wat nou in 4 aparte chalets omskep is. Die chalets is almal toegerus vir selfsorg en is ruim wat dit ideaal maak vir groot groepe. Die ander 4 klip-chalets is aan die voet van die berg geleë. 2 van hierdie chalets is privaat, losstaande selfsorg-eenhede en die ander 2 is suites. Geriewe sluit 'n badkamer, yskassie en koffie- en teemaakgeriewe in.

Al die eenhede het net 1 DStv-kanaal en 'n OVHD-dekodeerder, waaiers en privaat braai-areas. Elke kombuis is ten volle toegerus met eetgerei, 'n stoof en mikrogolfoond. Beddegoed word voorsien, sowel as handdoeke, maar gaste moet daarvoor vra. Daar is ook 'n swembad en 'n pool-tafel waarvan gaste gebruik kan maak.

The Shoe Guest House is besig om "groen" te word en as gevolg van die sonkrag sal geen elektriese verwarmers in die eenhede voorsien of toegelaat word nie. Daar word 1 sak gratis hout vir die kaggels in die klipkothuise voorsien. Ekstra sakke hout kan by die kiosk gekoop word. Alle beddens word ook van warmwatersakke voorsien. Hou n gedagte dat dit 'n probleem vir sommige gaste kan wees. Warm water word via 'n houtvuurdonkie verkry en al die chalets beskik oor gasstowe vir warm maak en kook.

Die Teetuin is tussen 09:00 en 17:00 oop. Ligte maaltye en ontbyt word heeldag bedien. Aandete kan op versoek gereël word.

Kry ’n Kwotasie