The Summer Place Boutique Guesthouse

Gastehuis

Kapasiteit: 16 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Stegmanstraat 18, Universitas, Bloemfontein, 9301, Vrystaat
Vanaf R1 150 per nag, vir 2 mense
TGCSA-gradering:

Beskrywing

Hierdie boetiekgastehuis bestaan uit 9 baie ruim, luukse en individueel-versierde en suite-slaapkamers. Die kamers is gemiddeld 22m² meter groot. Die eienaars wat die gastehuis bestuur, woon op die perseel en het 'n passie vir die gasvryheidsbedryf.

Die kamers is in 'n Franse Proviaanse styl versier wat 'n somers-atmosfeer in die gastehuis skep. Dit het privaat ingange en ruim en suite-badkamers. Elke kamer het 'n plasma-TV met sekere DStv-kanale, 'n yskassie en koffie- en teemaakgeriewe.

Gedurende die wintermaande word ons beddens met winterbeddegoed en elektriese komberse opgemaak om seker te maak jou winterbesoek aan Bloemfontein is warm en knus. Franse deure lei na die tuin.

Absolute gerief en 'n goeie nagrus is gewaarborg op Cloud 9 matrasse, 100% katoenlinne en angorakomberse. Gaste het 'n keuse tussen dons- of sintetiese kussings. Al ons beddens en kussings het higiëniese oortreksels wat aan die oordeelkundige reisiger gemoedsrus verseker.

Gaste kan ontspan, TV kyk, musiek luister of kuier in enige van die 3 ontspanningsareas. In die somer is die swembad nét die plek om te ontspan met ietsie kouds in die hand. Ons netjiese tuin bied ook 'n welkome toevlugsoord vir moeë reisigers en sakelui. Wynwaens is beskikbaar aan ons gaste en dit kan met aankoms bespreek word. Die veranda is ons aangewese rook-area.

Ons gaste se privaatheid is ons hoogste prioriteit. Dit is ook vir ons baie belangrik om ons gaste en hul besittings se veiligheid te verseker. Daar is veilige parkeerplek en die gastehuis het diefwering, sekuriteitshekke ens. Ons aanvaar ook nie enige besprekings "van die straat af" sonder besprekings vooraf nie.

Kry ’n Kwotasie