The Tokyo 1508

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Loopstraat 87, Middestad, 8000, Wes-Kaap
Vanaf R1 200 per nag (plek vir 2)

Beskrywing

The Tokyo 1508 is 'n sjiek selfsorgvakansiewoonstel met moderne afwerkings in Loopstraat in die hartjie van Kaapstad. Aangesien dit in die Moederstad se kuier- en sakekern geleë is en met 'n lieflike uitsig op Leeukop spog, is dit ideaal vir toeriste en sakereisigers.

Die woonstel bied slaapplek aan 2 gaste en beskik oor 'n oopplan-ontwerp. Dit het 'n dubbelbed en 'n badkamer met 'n stort, wasbak en 'n toilet. Alle linne en badhanddoeke word voorsien, maar gaste moet hul eie swemhanddoeke saambring.

Die kombuis is met 'n stoof, oond, mikrogolfoond, yskas-vrieskas, eetgerei, breekware en 'n wasmasjien toegerus is. Die kombuis lei na 'n knus sitarea met 'n gemaklike rusbank, 'n lessenaar en gratis WiFi.

Gaste het toegang tot 'n gemeenskaplike gimnasium en 'n kuierarea op die dak met 'n randvloeiswembad, 'n buitebraai-area en 'n panoramiese uitsig oor die stad en op Tafelberg en Leeukop.

Kry ’n Kwotasie