The Trailhouse

Gastehuis

Kapasiteit: 8 persone
Geen kinders onder 10
Inkloktyd: 15:00 tot 20:00
Uitkloktyd: 10:00
Adres: Pipe-weg 2638, Bettysbaai, 7141, Wes-Kaap
Vanaf R680 per nag (plek vir 2)

Beskrywing

Die Gastehuis is op die grondverdieping en bied 3 en suite-slaapkamers wat apart bespreek word met 'n see- of berguitsig. Gaste deel 'n eetarea met 'n yskas-vrieskas, mikrogolf, eetgerei, breekware, asook 'n kaggel vir al die kamers en dit word met ander gaste gedeel. Hier is geen kombuis beskikbaar nie. Die buitebraai-areas is in die tuin. Kamers kan individueel, of al drie gelyk in die gastehuis bespreek word sodat dit nie met ander gedeel word nie.

Gratis WiFi is beskikbaar, maar nie gedurende beurtkrag nie. Herlaaibare ligte en ander noodligte word in elke kamer voorsien. Daar is nie 'n rugsteunkragstelsel beskikbaar nie, maar voorsiening word sover moontlik vir die noodsaaklikhede gemaak. The Trailhouse kan ongelukkig nie troeteldiere akkommodeer nie.

Rod se voetslaanroetes begin net 50 m van die huis af en lei deur die hartjie van die Kaapse Blommeryk, die tuiste van die mees komplekse bio-diversiteitsgebied ter wêreld, na die Harold Porter Botaniese Tuine met verskeie inheemse plantspesies en aktiwiteite.

Die gastehuis is naby die dorpskern en 'n hoofstrand, waar Oestervangers en baie ander seevoëls gesien kan word.

Bettysbaai en die omliggende area bied 'n aantal aktiwiteite en besienswaardighede. Dit is 'n stappersparadys met heelwat marinelewe, voëllewe en plantspesies wat natuurliefhebbers sal lok. Daar is ook vele fietsryroetes in die omgewing. Die area het wynlandgoedere, markies, plaaswinkeltjies, gholfbane, natuurreservate, ongerepte strande, ziplyn- en vlotvaart-avonture en 'n Afrika-pikkewynkolonie.

Kry ’n Kwotasie