The View

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kusweg 177, Gordonsbaai, 7151, Wes-Kaap
Vanaf R2 650 per nag (plek vir 4)

Beskrywing

The View is op die derde verdieping van die Bikini Beach Suites in Gordonsbaai geleë en bied gerieflike selfsorg-akkommodasie in 'n tweeslaapkamerwoonstel teen die water, net 'n klipgooi vanaf die Blouvlagstrand, Bikini Beach.

Die woonstel het slaapplek vir tot 4 gaste en beskik oor 2 slaapkamers, 2 badkamers, 'n leefkamer en 'n kombuis. Die hoofslaapkamer het 'n dubbelbed, 'n TV aan die voetenent en 'n en suite-badkamer met 'n groot ovaalbad, stort en toilet. Die gasteslaapkamer het 2 enkelbeddens en het sy eie stort en toilet. Die leefkamer is in 'n strandstyl versier en het oopvoudeure wat na 'n ruim balkon met uitsigte oor die see en hawe lei. Die kombuis is toegerus vir selfsorg en die woonstel het toebehore soos 'n skottelgoedwasser en 'n wasmasjien. Linne en strand- en badhanddoeke word ook voorsien.

Die eiendom het rugsteunelektrisiteit vir 'n lig, laaier, TV en WiFi.

Gaste kan lekker kuslangs dorp toe stap en die woonstel is gerieflik loopafstand van restaurante en die hawe af. Dit is sentraal geleë in die Helderberg-streek en die ligging bied baie geleenthede vir avontuurlustige doendinge, walviskyk en gholfspeel. Gaste kan ook die Kaap se lekker wyne by ons geniet en net lekker op een van die baie strande naby ons ontspan.

Kry ’n Kwotasie