The White House

Gastehuis

Gratis kansellasie tot 24 uur voor jou verblyf!
Kapasiteit: 14 persone
Alle ouderdomme is welkom
Inkloktyd: 14:00 tot 17:00
Uitkloktyd: 11:00
Adres: East-straat 14, Observatory, Johannesburg, 1924, Gauteng
Vanaf R800 per nag (plek vir 2)

Beskrywing

The White House is 'n dubbelverdiepinghuis uit die 1950's. Dié oorspronklike huis skuil in 'n veilige area agter 'n sperboom in Observatory, naby Bedfordview, Eastgate en Houghton. Die eiendom is smaakvol gemeubileer en spog met glimmende parketvloere, groot staalraamvensters waarby die son instroom, 'n trap van smeedyster, en 'n patio met 'n panoramiese uitsig oor Johannesburg. Dis die ideale verblyf vir sakereisigers, paartjies wat op soek na 'n kort wegbreek, of oorsese toeriste wat Johannesburg besoek.

Ons bied verblyf in 6 slaapkamers. 4 van die kamers het en suite-badkamers. Daar is 2 ekstra badkamers. Beddegoed en handdoeke is ingesluit. En die WiFi is blitsvinnig. Die hele huis kan gehuur word vir groepe van 12.

Die onderste verdieping bestaan uit 'n ruim oopplan-sitkamer, studeer- en eetarea met 'n Morso-kaggel, en 'n aparte TV-kamer. Die spoggerige kombuis het al die toebehore en breekware wat jy benodig, en daar is 'n aparte opwaskamer met 'n skottelgoedwasser. Daar is ook 'n aparte waskamer met 'n wasmasjien en tuimeldroër.

The White House het 'n groot swembad, kuierstoep, en 'n lowerryke tuin. Die puik sekuriteit sluit 'n alarmstelsel, elektriese heining, laserstrale en paniekknoppies in.

Was- en strykdiens beskikbaar op versoek en teen ekstra kostes.

Kry ’n Kwotasie