Will definitely come again. Something different and unique, affordable, and casual.

Baie vriendelike ontvangs. Maklik om te kry en baie gerieflik. Dit was regtig om die shack life te ondervind, met al die gerief wat die reisiger nodig gehad het. Baie oorspronklik en goed ingerig. Werklik bekostigbaar. El sal enige tyd weer daar inloer vir 'n heerlike nag se uitrus. Dankie, Wynand!

Was baie rustig en gemaklik. Plek was maklik om by uit te kom, vriendelike mense en gepas vir wat ons nodig gehad het.

Skoon, netjiese en veilige verblyf. Die Wild Pear Shack is ideaal vir 'n enkelpersoon of twee mense om oor te slaap. Gerieflik ingerig, uitstekende diens en loadshedding-vriendelik. Geen kosmaakgeriewe nie, maar wel 'n elektriese en gasketel. Groot badkamer met warm water en 'n lekker stort. Veilig en goed geleë t.o.v. die besigheidsentrum. Geen TV nie, maar wel wi-fi. Ek sal vir seker weer daar gaan oorslaap indien ek weer in Heidelberg moet oornag.

Een aand verblyf in Heidelberg, weens 'n laat nag funksie wat ons bygewoon het. The Wild Pear Shack is perfek vir wat ons nodig gehad het en 100% warde vir geld. Vinnige veblyf vir 'n bekostigbare prys.

Baie oulike Afrika-opset. Die plekkie is baie oulik en regtig iets om te sien vir gaste as jy 'n "African" opset wil beleef.

Lekker geslaap. Ja, ek het lekker geslaap en koffie en melk met suiker en tee gekry. Dit was regtig gaaf.

Dis teleurstellend, liewer vermy. Dit was baie teleurstellend en die enigste positiewe was dat die ligte en WiFi tydens beurtkrag gewerk het. Ongelukkig is daar baie meer negatiewe. Kamer 1: Die gasgeiser het nie gewerk nie. Daar was geen warm water by die wasbak nie. Die toilet is eintlik net geskik vir kinders (baie laag). Die yskas het nie gewerk nie. Kamer 2: Die badkamermure is slegs van sinkplaat gemaak en dit was baie koud. Daar was geen prop in die wasbak nie. Die yskas/vrieskas het verskriklik gestink en nie gewerk nie. Die buite-area was glad nie skoon en netjies nie. Die ligging is swak: dit is geleë in Rensburg en nie in Heidelberg self nie, en dit is baie naby 'n treinspoor met treine wat konstant ry. Die eienaar het wel 'n deel van een kamer se kostes terugbetaal omdat die geiser nie gewerk het nie.

Goeie, bekostigbare oornagverblyf. Eienaars is baie vriendelik en bed het heerlik geslaap. Alles wat mens nodig het vir 'n oornag. Mooi skoon en tuin begin vorm vat.

Ons moes laat aand na 'n troue 'n plek kry om te slaap. Met die laat koms en baie reën was Wynand vriendelik en geduldig. Ons was net een aand daar. Dit was stil. Daar is 'n treinspoor naby maar dit was vir my lekker om dit te hoor so in die verte. Die haan het my vrou lekker vroeg wakker gekraai, maar ek self was weg. Het 'n goeie rus benodig en het dit gekry.