Thesen Island Holiday House

Selfsorg

Soos Gesien op Instagram
Kapasiteit: 4 persone
Alle ouderdomme is welkom
Inkloktyd: 14:00 tot 17:00
Uitkloktyd: 11:00
Adres: Millway 8, Saffron Eiland, Theseneiland, Knysna, 6570, Wes-Kaap
Vanaf R3 370 per nag (plek vir 4)

Beskrywing

Thesen Island Holiday House is by die skilderagtige Knysna-riviermonding op die bekende Tuinroete.

Knysna se ongeëwenaarde natuurskoon, welige woude, sandstrande en interessante geskiedenis maak hierdie bekoorlike dorp een van die land se mees besoekte vakansiebestemmings.

Die huis met lugversorging het 2 slaapkamers met en suite-badkamers, 'n sitarea, eetarea, kombuis, opwaskamer, enkelmotorhuis en stoep direk oor die kanaal. Die huis het gerieflike slaapplek vir 4 gaste. Die huis het deurgaans luukse afwerkings en onbeperkte WiFi is ook beskikbaar.

Die eerste slaapkamer het 'n koninggrootte-bed, 'n TV, 'n volledige en suite-badkamer met 'n stort, bad, toilet en wasbak, en deure wat na 'n houtbalkon lei. Die tweede slaapkamer het 'n koninggrootte-bed en 'n en suite-badkamer met 'n stort. Beddegoed, bad- en strandhanddoeke voorsien.

Die sitarea lei direk na 'n dek aan die waterkant en die huis se eie privaat jetty waar motorbote tot 7 m lank vasgemeer kan word. Die huis is ten volle toegerus om gerieflike verblyf te verseker. Die kombuis is met 'n mikrogolfoond, konveksie-oond en glasstoofblad, uitsuigwaaier, yskas-vrieskas, breekware, eetgerei, glase, potte, panne, 'n ketel, broodrooster, strykyster en strykplank toegerus. Daar is ook 'n koffiemasjien, maar gaste moet hul eie koffiekapsules saambring. Die opwaskamer het 'n dubbelwasbak, skottelgoedwasser, wasmasjien en tuimeldroër.

Die eetarea het 'n etenstafel met 6 stoele, en glasdeure wat na 'n stoep met ingeboude braaigeriewe lei vir al fresco-etes. Die sitarea se rusbanke en stoele bied gemaklike sitplek en daar is ook 'n TV met DStv, Showmax en Netflix. Daar is ook 'n klankstelsel en 'n uitstekende uitsig oor die strandmeer vanuit die sitarea of die dek wat daarvandaan lei. Die motorhuis met sy elektroniese deur, het plek vir 1 voertuig.

Sonpanele met 'n omsetter en battery verskaf rugsteunkrag tydens kragonderbrekings. Daar is ook 'n gaswaterverhittingstelsel om warm water 24/7 te verseker.

Kry ’n Kwotasie