Thokozani Lodge

Gastehuis

Langtermynverblyf-aanbod 25% af

Kry 25% af vir verblyf wat 5 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 18 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: Jatingaweg 103, Witrivier, 1240, Mpumalanga
Vanaf ~~R850~~ R638 per nag, vir 2 mense
TGCSA-gradering:

Beskrywing

Thokozani Lodge is 'n klein, plattelandse, grasdak-gastehuis wat bekoorlike verblyf in 'n subtropiese tuin met yslike bome en palms bied. Die gastehuis bied ook 'n aangename, privaat familie-atmosfeer en is in die hartjie van die Laeveld, slegs 6 km van Witrivier af en net 30 minute se ry vanaf die Krugerwildtuin, geleë.

Die gastehuis bied verblyf in kamers en huisies met dubbelbeddens of 2 enkelbeddens. Al die kamers en huisies het en suite-badkamers en is met handgemaakte, ongekunstelde houtmeubels ingerig. Alle beddens het muskietnette om 'n rustige nagrus te verseker, en elke kamer het 'n aparte ingang en 'n lieflike uitsig oor die tuin. Geniet 'n ontbyt in die eetkamer of op die stoep in die tuin.

Die tuin is 'n paradys vir verskeie voëlspesies en gaste kan lieflike uitsigte oor die Witrivier-vallei geniet. Koel in die swembad af of ontspan op 'n sonstoel onder 'n rietafdakkie. Gaste kan ook gerus die plaas verken, of na die oewers van die Witrivier wandel. Hier kan jy jou oë oophou vir die voëls, akkedisse, muishonde, klip- en waterlikkewane, of net op die rotse lê en ontspan. Daar is verskeie speletjies beskikbaar, asook 'n biljartkamer. Geniet 'n drankie op die terras terwyl jy die sonsondergang dophou of sit langs die vuurput onder die sterre en luister na die geluide van die boskrieke of die geroep van die houtuil.

Kry ’n Kwotasie