Thorn & Feather

Selfsorg

Soos Gesien op Facebook
Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Thorn & Feather, Plaas 9 van 499, Vermaaklikheid, 6671, Wes-Kaap
Vanaf R2 374 per nag (plek vir 4)

Beskrywing

Thorn & Feather is naby Vermaaklikheid, 35 km vanaf Riversdal en 40 km vanaf Stilbaai. Hierdie verblyf is aan die rand van die Afromontane-woud geleë en het ‘n uitsig oor die Duiwenhoksrivier en privaat toegang tot die rivier.

Dié verblyf beskik oor 3 privaat klipkothuise wat deur paadjies met klipmuurtjies verbind word. Hierdie verblyf bied slaapplek aan 6 volwassenes en 3 kinders. Die Annabelle-kothuis het ‘n koningingrootte-bed en ‘n enkelbed vir ‘n kind. Die Astrid-kothuis het ‘n koningingrootte-bed en 2 enkelbeddens vir 2 kinders, asook ‘n toilet en buitestort. Die Sam-kothuis het ‘n koningingrootte-bed en ‘n aparte toilet, buitestort en ‘n badkamer met ‘n klipbad, stort en mooi uitsig. Warm water word daagliks voorsien. Daar is 'n losstaande kaggel in die eetarea.

Die hoofgebou het ‘n kombuis wat volledig toegerus is en ‘n eetarea met stapeldeure wat na die stoep lei. Die kombuis is met ‘n yskas-vrieskas, nog 'n vrieskas, gasstoof en -oond, 'n yskassie, vuurherd en kookgerei toegerus. Daar is ook WiFi.

Die stoep het ‘n binnebraai, leefarea en 'n groot, gemaklike dagbed. Die oop dek het ‘n vuurput, braaigeriewe en ‘n plonspoel. Die dek lei na ‘n paadjie wat na ‘n laer dek onder bome met ‘n rivier-uitsig lei. Daar is ook ‘n groot swembad met dekstoele.

Aktiwiteite in die area sluit hengel, voëlkyk, bootvaarte, kanovaarte, kajakvaarte, staanroei, voetslaan en bergfietsry in. ‘n Lieflike strand kan via ‘n kajak of boot by die riviermond bereik word.

Kry ’n Kwotasie