Thornhill Safari Lodge

Lodge

Gratis kansellasie tot 1 week voor jou verblyf!
Kapasiteit: 39 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Erfdeel 144, Plaas Guernsey 81 KU, Hoedspruit, 1380, Limpopo
Vanaf R3 270 per nag, vir 2 mense
TGCSA-gradering:

Beskrywing

Thornhill Safari Lodge is geleë binne die groter Krugerwildtuin se ekosisteem, slegs 40 km van wildtuin se Orpen-hek. Dié omgewing is een van die voorste bestemmings vir eko-toeriste en die uitsigte op die Drakensbergse platorand is uitsonderlik.

Daar is 13 oorspronklike grasdak-chalets en 'n herehuis met gerieflike kamers en puik geriewe wat vir wegbreke gemáák is. Die helder materiale en meubels van plaaslike hardehout skep 'n ongekunstelde, dog stylvolle, bosveld-atmosfeer. Elke chalet is toegerus met en suite-geriewe, lugversorging, plafonwaaiers, muskietnette, en 'n houtdek met uitsigte oor die lodge, die swembad-area en die omliggende bosveld.

Die herehuis bied slaapplek aan 10 gaste en beskik oor 5 slaapkamers met koninggrootte-beddens of 2 enkelbeddens. 2 van die slaapkamers het en suite-badkamers met hoekbaddens en buitestorte. Die ander 3 slaapkamers deel 'n badkamer met 'n stort. Die huis het 'n kombuis wat volledig toegerus is met 'n stoof, oond, mikrogolfoond, broodrooster, yskas-vrieskas en tee- en koffiemaakgeriewe, en die sitkamer het 'n TV. Gaste het toegang tot die hooflodge se swembad, restaurant, kroeg en uitkykdek.

Thornhill Safari Lodge bied begeleide staproetes in die natuur in die Guernsey Natuurreservaat en wildritte in die Krugerwildtuin en privaat wildreservate waarin die Groot 5 besigtig kan word. Toere na die volgende besienswaardighede is ook beskikbaar: die Panorama-roete, Blyderivier Canyon, Mariepskop (die Drakensberge se hoogste piek), Khamai Slang- en Reptielpark, die Moholoholo Rehabilitasiesentrum en die Sentrum vir Bedreigde Spesies in Hoedspruit. Dan is daar ook nog gholf-uitstappies na die bekende Hans Merenskey Gholfbaan waar jy in die wildernis kan gholf speel!

Voorsiening word vir groepe, individuele gaste wat self wil ry, invlieg-safari's en wittebroodpaartjies gemaak. Vervoer kan gereël word vanaf Eastgate- en die Kruger Mpumalanga Lughawe.

Kry ’n Kwotasie