Thornsprings

Selfsorg

Soos Gesien op Instagram
Kapasiteit: 14 persone
10 volwassenes, 4 kinders
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: N10, Thornsprings Plaas, 30 km vanaf Middelburg, 5900, Oos-Kaap
Vanaf R6 600 per nag, vir 10 mense

Beskrywing

Thornsprings is minder as 30 km vanaf Middelburg in die Oos-Kaap geleë en bied gehalteverblyf aan gesinne en groepe vriende. Dié sandsteenplaashuis is in 'n Herbert Baker-styl gebou met dik mure en 'n hoë plafon wat die kamers heerlik koel in die versengende somer en knus in die winter hou.

Dié huis het slaapplek vir 15 gaste en beskik oor 6 slaapkamers met en-suite badkamers. Die eerste slaapkamer het 'n koningingrootte-bed, 'n enkelbed en 'n en suite-badkamer met 'n stort. Die tweede slaapkamer het 'n koningingrootte-bed en 'n en suite-badkamer met 'n stort. Die derde en vierde slaapkamer het elkeen 'n koninggrootte-bed en 'n en suite-badkamer met 'n bad. Die vierde slaapkamer het ook 'n buitestort. Die vyfde slaapkamer het 'n koninggrootte-bed, 'n enkelbed en 'n en suite-badkamer met 'n bad en stort. Die sesde slaapkamer het 3 enkelbeddens en 'n en suite-badkamer met 'n stort.

Die selfsorgkombuis is met 'n yskas, gasoond en -stoof, mikrogolf en 'n koelkamer toegerus. Daar is ook 'n ysmasjien, Nespresso-koffiemasjien, vrieskas en binnebraaigeriewe beskikbaar.

Ander geriewe sluit WiFi, 'n pizza-oond en 'n uitsig oor die groot swemdam in.

Plaaspaaie kan met 'n 4x4-voertuig verken word en bied ook die geleendheid vir stap- of bergfiets-avonture.
'n Wye verskeidenheid voëls lok vele kenners, en die plaas het ook 'n groot aantal wild wat gesien kan word.

Die pragtige en unieke huis bied 'n spesiale wegbreek aan gaste wat die eenvoud van die lewe in een van die mees ikoniese landskappe wil beleef. Kom kuier en geniet lui-lekker dae en 'n hemelruim wat met sterre belaai is saam met vriende en familie. Daar is nie 'n beter plek om van die gedruis van die stad te vergeet nie, so kom skop jou skoene uit en neem die prag van die Karoo in.

Kry ’n Kwotasie