Thylitshia Villa Country Guesthouse

Gastehuis

Kapasiteit: 16 persone
Alle ouderdomme is welkom
Inkloktyd: 12:00 tot 19:00
Uitkloktyd: 10:00
Adres: Volmoed, Oudtshoorn, 6620, Wes-Kaap
Vanaf R1 595 per nag (plek vir 2)
TGCSA-gradering:

Beskrywing

Thylitshia Villa Country Guesthouse is 'n werkende volstruis- en skaapplaas, slegs 4 km van die Highgate Volstruis-skouplaas af. Dié knus plattelandse gastehuis is 'n toevlugsoord van rus en vreedsaamheid, geleë in 'n ontwerperstuin met 'n uitsig oor die Swartberge. Dié klein, eksklusiewe gastehuis bied 'n ontspanne atmosfeer wat jou sal herinner aan vervloë dae.

Ons bied verblyf in 8 smaakvol versierde slaapkamers, elkeen met 'n aparte of en suite-badkamer, privaat ingang, lugversorging, yskassie en TV met plaaslike kanale. Linne en handdoeke word voorsien. Neem asb. kennis dat rook verbode is in die slaapkamers.

Die gemeenskaplike sitkamer is die hart van die huis, met 'n TV met sekere DStv-kanale en gemaklike sitplek. Ons bied ook braaigeriewe, 'n soutwater-swembad in die tuin en gratis WiFi-toegang. 'n Wasgoeddiens is op versoek beskikbaar.

Thylitshia Villa Country Guesthouse is sowat 12 km vanaf Oudtshoorn, bekend vir sy volstruisplase en die Kangogrotte. Ander besienswaardighede en interessanthede in die omgewing sluit die Buffelsdrift Game Lodge, Swartbergpas, Wilgewandel en die Cango Wildlife Ranch in.

Kry ’n Kwotasie