Tierfontein Rondawel

Selfsorg

Kapasiteit: 2 persone
Geen kinders
Inkloktyd: 15:00 tot 20:00
Uitkloktyd: 10:00
Adres: Tierfontein Plaas, Erf 52, Baardskeerdersbos, 7220, Wes-Kaap
Vanaf R1 000 per nag (plek vir 2)

Beskrywing

Tierfontein Rondawel is op ’n leliedam en bied pragtige uitsigte oor die vallei en het ’n rustige atmosfeer. Die eenheid is net 5 km buite Baardskeerdersbos en is 'n paradys vir voëlkykers, met vele inheemse spesies in die tuin en arboretum. Daar is ook staproetes deur die ongerepte fynbos en natuurskoon.

Die rondawel is vir selfsorg toegerus vir 2 gaste op soek na rustigheid in die natuur. Die lieflike stoep het 'n ongelooflike uitsig en 'n vuurput vir braai of kosmaak. Die voordeur lei direk na die slaapkamer met ’n koningingrootte-bed, die sitarea en die en suite-badkamer het 'n stort wat met gas verhit word. Linne en handdoeke word voorsien.

Die kombuis is in 'n aparte gebou langs die patio. Dis ten volle toegerus en het groot skuurdeure. Daar is 'n dagbed, etenstafel, elektriese yskas en 'n kragpunt om toestelle te laai. Die res van die rondawel het sonkragligte, olielampe en kerse. Daar is nie 'n mikrogolf, oond of gratis WiFi nie. Die sanitasiestelsel is waterbesparend en vullis word herwin of tot kompos verwerk.

Die plaas het pragtige staproetes, 'n arboretum en 'n kloof met 'n klein, inheemse woud en 'n waterval met 'n dek. Langs die staproete is 'n plonspoel tussen die fynbos waar gaste kan afkoel. Daar is fantastiese voëlkykgeleenthede en ons is voltyds besig om indringerspesies uit te roei.

Tierfontein Rondawel is gemik op gaste wat hulself graag in die natuur inleef, maar is ook naby strande, wynplase en historiese dorpies. Die fynbos is uitstekend vir gaste wat in botanie belangstel met 'n groot verskeidenheid en van die mees bedreigde spesies. Dit is die perfekte wegbreek vir natuurliefhebbers.

Aangesien die rondawel in 'n natuurreservaat geleë is, word troeteldiere ongelukkig nie toegelaat nie.

Kry ’n Kwotasie