Beskrywing

Timbavati Safari Lodge, in die Afrika-bosveld, is omring deur ’n lieflike omgewing vol wild wat vry rondloop. Dit is 'n besigheid wat deur 'n familie besit en bestuur word slegs 20 km vanaf die Orpen-hek van die Krugerwildtuin. Die Safari Lodge is nie in die Timbavati Privaat Reservaat geleë nie.

Die 3-ster-verblyf bestaan uit pragtige, tradisionele rondawels wat in die Ndebele-styl geverf is. Daar is ook gesin-chalets. Die eenhede is tussen die skaduryke bome geleë in die natuurlike omgewing om 'n ontspanne en rustige atmosfeer te bied. Al 35 kamers is en suite en het plafonwaaiers, 'n klein werk-area en veranda.

Die span by Timbavati Safari Lodge is trots daarop dat ons 'n onvergeetlike Afrika-ervaring aan gaste bied. Na 'n lang dag van wildkyk in een van die Kurgerwildtuin se geregistreerde oop wildvoertuie, is die nuut gemeubileerde kroeg en restaurant gereed om ons gaste te verwelkom en te bedien. Gaste kan ontspan by hulle rondawel op die veranda buite, by die swembad of in die leefarea.

Saans is die Afrika-hemel besprinkel met sterre en aandete word buite bedien indien die weer dit toelaat. Dit gebeur in die riet-boma of langs die swembad en die spyskaart sluit 'n tradisionele Suid-Afrikaanse braai of potjie in. Na dit volg Afrika-danse. Enige van die twee opsies het die waarborg van die nabye wild wat die misterie van die Afrika-bosveld beklemtoon.

Timbavati Safari Lodge kan dag-, sonsondergang- of nagritte in die Krugerwildtuin bied of sonsondergang-ritte in 'n privaat Groot 5-natuurreservaat. Daar is ook verskeie ander doendinge soos 'n plaaslike bos- of kultuur-wandeling, 'n luilekker bootvaart in die Blyderivier Canyon, 'n besoek aan die plaaslike diere-rehabilitasiesentrums of selfs lugballonvaarte en safari's op 'n olifant se rug!