Tin Can Glamping Caravan

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Scotstonweg 15, Underberg, 3257, KwaZulu-Natal
Vanaf R650 per nag (plek vir 2)

Beskrywing

Tin Can Glamping Caravan is op 'n kleinhoewe in Underberg geleë. Verblyf word in 'n ou, opgeknapte karavaan gebied waar gaste die uitsig oor die Umzimkulurivier kan bewonder. Met die karaktervolle grondpaaie, bergstroompies, sandsteenberge, knus kroeë en vriendelike inwoners sal alle Underberg-besoekers 'n onvergeetlike wegbreek hê.

Die karavaan het 'n koningingrootte-bed en is aan 'n hout-badkamereenheid met 'n stort en 'n toilet verbind. Daar is ook 'n sitarea, kaggel, kombuisie, en die houteenheid het 'n klein stoep waar gaste hulle skoene kan uitskop en die uitsig kan geniet.

Daar is 4 houthuisies waarvan gaste kan kies. Elke houthuisie het 2 enkelbeddens en 'n badkamer met 'n stort. Gaste kan die pragtige uitsigte geniet, asook die kaggel en die braaigeriewe.

Die kombuisie het 'n yskas wat met sonkrag werk, 'n gasstoof en 'n gasketel. Daar is ook draagbare braaigeriewe. Die badkamer maak van 'n gasgeiser gebruik en alle ligte werk met sonkrag.

Underberg is die ideale plek vir buitesport-entoesiaste en spog met fantastiese voetslaanpaaie, kunsvlieghengel-geleenthede, bergfietspaaie, gholfbane, riviervlotvaart-geleenthede en oorgenoeg visvang-bestemmings.

Kry ’n Kwotasie