Perfek vir 'n groot groep! Ons het die beste naweek vir my 30ste verjaarsdag gehad. Die kamers was baie mooi en skoon en die kombuis het alles gehad wat ons moontlik nodig kon hê vir lekker potjie maak en braai! Die helpers en skoonmakers was besonders en baie behulpsaam! Die game drive was beslis die moeite werd! Ons sal beslis weer gaan kuier by Tjailatyd!

Baie beter in persoon as op fotos. Verskriklik lekker vir 'n wegbreek as jy 'n groot groep vriende is. Ook baie kindervriendelik. As daar 'n probleem was, was dit onmiddelik aangespreek en reggemaak (Kamer 1 se stortkop het net nie gewerk nie en hulle het dit dadelik reggemaak). Kan sien hoe ons nog "regulars" gaan word.

Ongelooflike naweek. Vriendelike personeel. Goed toegeruste geriewe. Sal beslis nog familie-funksies hier hou. Alles en meer waarvoor ons gehoop het. Ongelooflike plek. Sal beslis aanbeveel.

Uitstekende fasiliteite. Baie gerieflike en uitstekende toegeruste akkommodasie.

Wat 'n lieflike plek vir 'n wegbreek in die vrye natuur en dit sommer net buite die stad. Die hele groep van 22 was uiters verras met die goed ingerigte Bosveld lodge. Die kuier area is uitstekend ingerig. Die eienaars het uit hul pad gegaan om ons groep te akkomodeer. Die personeel op die terrein verdien 'n ekstra pluimpie vir hul vriendelike, vlytige diens. Hulle het gretig meer gedoen as wat van hul verwag is.

Regte safarilodge. Ou vriende en familie kon die bos en natuur geniet met verskillende kuierplekke om elke hoek en draai. Pragtige kamers, 5-ster vir die bosatmosfeer. Personeel het moeite gedoen om dit netjies te hou en was so hulpvaardig. Die wildkykgids was ervare en altyd op tyd. Ons kom weer!

Fantastiese boskamp - heerlik gekuier! Ons het heerlik by Tjailatyd gekuier! Ons was 26 persone wat gemaklik gebly het in pragtige chalets en een groot huis. Daar is genoeg sitplek en kuierarea om 50+ mense vir 'n dagkuier te akkommodeer. Die plek leen hom daartoe vir groot groep mense en die plek is baie goed ingerig en daar is heelwat om te doen. Kinders het lekker geswem, pool gespeel en die natuurskoon geniet. Die zebras, njalas en vele ander diere het ons elke oggend gegroet. Die personeel kom elke dag in om skoon te maak en hul het ons baie gehelp. Die gasvrou Meril het ook uit haar pad gegaan om seker te maak als is in orde. Sal Tjailatyd definitief aanbeveel.

Baie goeie fasiliteite met alles wat nodig is en personeel baie hulpvaardig. Dit is 'n heerlike kamp vir 'n groep mense met alles wat nodig is om heerlik te ontspan vir 'n wegbreek. Die kamers is skoon, netjies en van goeie gehalte. Die personeel is baie hulpvaardig en vriendelik wat help om die verblyf nog meer sorgsaam te maak. Hulle ruim alles netjies op en mens kan agteroor sit en regtig ontspan. Die enigste voorstel is om vir die kamers in die groot huis ook lugversorging in te sit. Daar is wel een in die leefvertrek, maar dit was baie warm met ons besoek met die gevolg dat die kamers baie warm in die groot huis was wat slaap moeilik gemaak het. Ons het heerlik gekuier en ontspan verder. Die wildrit was ook die moeite werd en ons het goeie "sightings" gehad.