Vriendelik. Rustig. Baie lekker gebly. Alhoewel dit buite baie koud was, het ons lekker warm geslaap.

Gemaklike plaasverblyf. Die gasvrou is wonderlik en warm. Die eenheid waarin ons gebly het is goed toegerus met alles wat mens kan nodig hê vir 'n paar dae se vakansie. Hoewel dit nie luuks is nie, is dit gemaklik, keurig en netjies. Die akkommodasie is 'n klein entjie buite die dorp (nie te ver om te stap nie), met 'n pragtige uitsig oor die vallei. Ons het dit geniet om soggens deur plaasdiere, eerder as stadsgeraas, wakkergemaak te word.

Was al paar keer in Nieu-Bethesda en het die keer besluit om buite die dorp te bly. Tot Hier Toe Padstal is baie lekker. Beddens en badkamer is baie gerieflik. Hulle kan dalk meer aandag gee aand die kombuisgedeelte. Daar is braai fasiliteite, maar die kombuis is nie ordentlik toegerus nie. Om self kos te maak en op te was is baie moeilik.

Baie lekker gekuier nadat die aanvanklike probleme uitgesorteer is. Ek sal dit kan aanbeveel as die personeel bewus is dat ons arriveer en betyds kan skoonmaak. Baie stof. Hulle het egter hulle bes gedoen en ons baie welkom laat voel. Lieflike uitsig.

Die 3 hondjies het ons laat tuis voel. Met aankoms was daar niemand om ons te ontvang nie. Moes self 'n geyser aanskakel. Was stowwerig. Die buitedeur kon nie sluit nie. Die stort was lekker (volgende dag). Beddens het lekker warm geslaap. WiFi benodig 'n versterker vir wanneer sel sin nie beskikbaar is nie.

Altyd lekker daar. Nie die eerste keer of die laaste keer wat ons soontoe gaan nie. Kan dit regtig aanbeveel.

Awesome. Lekker ontvang. Als was skoon. Heerlik gekuier - wat 'n uitsig van ons plekkie. Sielskos.

Sielerus. Dit was heerlik, sou graag langer wou vertoef het.

Not what I expected, but more. Perfect place to unwind in nature, the staff were fantastic, unfortunately did not meet the owner. We will be back!

Baie mooi uitsig en rus vir jou siel. Wens ons kon langer bly. Die eenheid is 'n eenvoudige cottage met alles wat nodig is. 'n Uitsig op die Gatsrivier, plaasdiere op die werf, 'n lekker boma om vuur te maak, unieke badkamer met lekker stort wat werk met 'n gasgeyser. Boonop het ons lekker biltong, droëwors en roosterkoek wat alles tuisgemaak word op die perseel gekoop. Die padstal het baie ander produkte wat deur die gemeenskap gemaak is.