Touch of Class Villas

Selfsorg

Kapasiteit: 20 persone
Alle ouderdomme is welkom
Inkloktyd: 13:00 tot 19:00
Uitkloktyd: 10:00
Adres: Nicolsonstraat 28, Baileys Muckleneuk, Pretoria, 0181, Gauteng
Vanaf R1 800 per nag (plek vir 2)

Beskrywing

Ons lang verblyf selfsorg akkommodasie opsies by Touch of Class Villas bied soveel meer as 'n plek om jou kop neer te lê en 'n maaltyd voor te berei. Ons het aandag gegee aan elke detail om seker te maak jy voel tuis in luuksheid tydens jou verblyf by ons.

Die individueel-gestileerde selfsorg-villa's is ruim, privaat en veilig, al wat jy hoef te doen is om uit te pak en jou tuis te maak. Die Villa's word op weeksdae gediens, so jy kan enige tyd toesluit en gaan, en tuiskom na 'n skoon en verwelkomende ruimte.

Elke slaapkamer het oorgenoeg kasspasie en sy eie en suite-badkamer. Vir uiterste gerief sal jy net die beste linne en beddegoed hê, en die sagste, donsigste handdoeke. 'n Elegante leefarea, bestaande uit 'n oopplan-kombuis, -eetkamer en -sitarea, lei na 'n privaat, versorgde tuin. Maak die meeste van ons pragtige weer en geniet 'n braai buite op die weber. Elke tuin het 'n lieflike buite-onthaalarea, perfek vir daardie al fresco-aande.

Alle kombuise het 'n stoofblad, mikrogolf, groot yskas, en wasmasjien, asook 'n ketel en 'n broodrooster. Alle breekware en eetgerei word voorsien. WiFi-toegang en die volledige DStv-reeks kanale is in elke villa beskikbaar. 'n Breëskerm-TV is in elk van die sitareas opgestel.

Kry ’n Kwotasie