Trafford Cottage

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 23:00
Uitkloktyd: 10:00
Adres: Trafford-weg 3, Kingswood Gholflandgoed, George, 6529, Wes-Kaap
Vanaf R2 600 per nag (plek vir 6)

Beskrywing

Trafford Cottage is 'n bekoorlike selfsorgeenheid op die Kingswood Gholflandgoed in George. Die eenheid is ideaal vir 'n gesin of groep vriende wat op soek is na 'n rustige wegbreekplek.

Die oopplan-kothuis bied slaapplek aan 6 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n bad, stort, toilet en 'n dubbelwasbak. Die ander slaapkamers het elkeen 'n dubbelbed. Die ander badkamer het 'n bad, stort, toilet en 'n wasbak. Alle linne en badhanddoeke word voorsien, maar gaste moet asb. hulle eie strandhanddoeke saambring.

Die kombuis is met 'n stoof, oond, mikrogolfoond, broodrooster, yskas-vrieskas, tee- en koffiemaakgeriewe, eetgerei en breekware toegerus. Daar is ook 'n toonbank met 3 stoele in die kombuis. Die opwaskamer het 'n skottelgoedwasser, wasmasjien en 'n tuimeldroër. Die eetarea het 'n etenstafel met sitplek vir 6 gaste en die sitarea het 'n gemaklike sitkamerstel en 'n TV met DStv. Gratis, onbeperkte WiFi is beskikbaar.

Skuifdeure lei na 'n onderdakstoep met 'n piekniektafel en 'n ingeboude braai. Die eenheid is oorkant 'n speelpark vir kinders geleë en veilige parkeerplek in 'n motorhuis is beskikbaar.

Kry ’n Kwotasie