Mountain Views Studio

Selfsorg

Langtermynverblyf-aanbod 20% af

Kry 20% af vir verblyf wat 14 nagte of langer is. Geldig vir verblyf vanaf 12 Aug 2024 tot 31 Okt 2024.

Gratis kansellasie tot 1 week voor jou verblyf!
Kapasiteit: 2 persone
Alle ouderdomme is welkom
Inkloktyd: 15:00 tot 20:00
Uitkloktyd: 10:00
Adres: Kloofstraat 60, Gardens, 8001, Wes-Kaap
Vanaf ~~R1 350~~ R1 080 per nag (plek vir 2)

Beskrywing

Chic Studio On Kloof is 'n pragtige selfsorg-ateljee in 'n veilige kompleks in die hartjie van Kloofstraat in Gardens, Kaapstad. Dit kan 'n goeie opsie wees vir óf 'n alleenreisiger, 'n paartjie óf toeriste wat die pragtige Moederstad wil verken.

Dié ateljee bied gerieflike slaapplek vir 2 gaste en beskik oor 'n oopplan-ontwerp. Dit is ingerig met 'n koningingrootte-bed en beskik oor 'n en suite-badkamer met 'n stort, wasbak en toilet. Kwaliteit linne, badhanddoeke en seep word voorsien.

Hierdie ateljee het ook 'n kombuis wat toegerus is met 'n stoof, oond, mikrogolf, yskas, Nespresso-masjien, eetgerei en breekware asook 'n ontbyttoonbank met stoele. Vanuit hierdie kombuis lei 'n knus sitkamer met gemaklike sitplek en 'n platskerm-TV. Toegang tot gratis WiFi is beskikbaar. Langs hierdie sitkamer is 'n etenstafel waar gaste hul maaltye saam kan geniet.

Dié kompleks het 'n pragtige lowergroen tuin waar gaste 'n oggendkoffie kan geniet voordat hulle hul dag in Kaapstad begin. Die ligging van hierdie eiendom is stapafstand van baie winkels en restaurante af. Dit is ook net 'n hanetreetjie vanaf Breëstraat, die sakekern en 'n entjie na Waterfront, Kampsbaai, Tafelberg en Leeukop.

Kry ’n Kwotasie