Lekker sentraal en netjies. Ek het nie van die ekstra besprekingsproses deur Holidays for you gehou nie. As die webtuiste die booking agent is, dan moet dit 'n one stop shop wees. DStv het ook ophou werk Sondag net voor F1 ( groot probleem vir ons ). 09:00 key drop is bietjie vroeg.

Ons het heerlik teen die see gebly en gerus. Dis 'n wonderlike eenheid met alles wat mens kan nodig hê. Die eenheid is op die grondvloer met 'n lekker warm swembad wat baie goed gebruik is as die wind opsteek. Op windstil dae is die strand op jou voorstoep en alles is in loopafstand. Die eenheid het ook 'n skottelgoedwasser, tuimeldroër en wasmasjien wat goud werd was. Wat 'n heerlike vakansie. Soos dinge dit wil hê, het die TV opgepak terwyl ons daar was, maar dis gou uitgesorteer.

Lekker verblyf. Ons het gevoel asof ons kilometers ver van die beskawing is, maar tog is ons loopafstand van alles af. Net jammer dat ons die weer nie kon bestel nie. Die hele naweek gereën.

Die eenheid het al die geriewe om 'n baie gemaklike vakansie te geniet. Die eenheid is netjies en skoon, dit is baie privaat en gerieflik naby aan die winkels.

Onbeskryflik, onvergeetlik, asemrowend. Dit is 'n beeldskone verblyf ten volle toegerus, 20 m van die strand. 'n Stukkie hemel op aarde. Onbeskryflik, mooi, gerieflik, 'n plek waar ek vir altyd sal kan gaan bly.

Alles wat jy nodig het vir 'n lekker vakansie. Die eenheid was baie netjies en skoon met het alle moderne geriewe wat jy nodig het. Die grondeenheid met sy eie privaat swembad, braai en tuinjie was ideaal vir die kinders. Privaat deurgang na die strand was baie gerieflik. Sal definitief weer van Trevi gebruik maak in die toekoms.