Truksvy

B&B

Kapasiteit: 4 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Stasiestraat 3, Soutpan, 9356, Vrystaat
Vanaf R850 per nag (plek vir 2)

Beskrywing

Truksvy is in die oulike dorpie Soutpan in die Vrystaat geleë. Die dorp is 49 km vanaf die Vrystaatse hoofstad, Bloemfontein, geleë waar gaste 'n verskeidenheid besienswaardighede en doendinge kan geniet.

Die verblyf bestaan uit 2 selfsorg-eenhede: Truksvy en Sonneblom. Die eenhede het elkeen 'n en suite-badkamer met 'n stort. Die kombuisies is almal toegerus met 'n mikrogolfoond, yskassie en tee- en koffiemaakgeriewe. Bykomende geriewe in elke eenheid sluit 'n waaier, verwarmer, lugversorger en 'n braai-area in. Truksvy-eenheid het 'n slim-TV terwyl die Sonneblom-eenheid 'n standaard-TV het. Albei het OpenView-kanale.

Daar is 'n plaasstalletjie op die perseel beskikbaar waar gaste ligte etes of 'n buffet op Sondae kan geniet. Gaste kan ook van die plaaslik vervaardigde sout en geskenke koop.

Nabygeleë besienswaardighede sluit Soetdoringdam-natuurreservaat, Florisbad-navorsingsentrum en die soutpanne in. Gaste kan 'n toer deur die soutpanne of perdry saam met die instansie reël teen 'n ekstra koste. Besprekings kan by die Truksvy Koffie Sjop gemaak word. Ander doendinge sluit voëlkyk, fietsry en voetslaan in die area in.

Kry ’n Kwotasie